وزیراعظم کادورہ ایران؛’’پاکستان ترقی اورہم آہنگی کےباہمی مقاصدکوآگےبڑھانے کامنتظر‘‘

وزیراعظم کا دورہ ایران؛ ’’پاکستان ترقی اورہم آہنگی کے باہمی مقاصد کو آگے بڑھانے کا منتظر‘‘

ویب ڈیسک

27th May, 2025. 09:40 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا دورہ ایران؛ ’’پاکستان ترقی اورہم آہنگی کے باہمی مقاصد کو آگے بڑھانے کا منتظر‘‘

ترسیلات زر میں تاریخی اضافہ، وزیراعظم کا سمندر پار پاکستانیوں کو خراج تحسین

اسلام آباد: وزیراعظم محمد شہباز شریف نے کہا ہے کہ پاکستان امن، ترقی اورہم آہنگی کے باہمی مقاصد کو آگے بڑھانے کا منتظر ہے۔

وزیراعظم شہباز شریف نے ایکس پر اپنے دورہ ایران کے حوالے سے کہا ہے کہ ایرانی صدر کے ساتھ ان کی ملاقات نہایت دوستانہ اور پُرجوش رہی۔

انہوں نے ایرانی وزیر خارجہ کی پاکستان آمد اور حالیہ بحران کے دوران ایران کی ثالثی کی کوششوں پر ایرانی قیادت کا شکریہ ادا کیا۔

وزیراعظم نے بتایا کہ ملاقات میں دوطرفہ تعلقات، تجارت، باہمی روابط اور دہشت گردی کے خلاف مشترکہ اقدامات سمیت مختلف شعبوں میں تعاون بڑھانے پر اتفاق ہوا اور اس کے ساتھ ساتھ خطے کی موجودہ صورتحال اور چیلنجز پر بھی تفصیلی تبادلہ خیال کیا۔

مزید پڑھیں: ایران کو ہم اپنا دوسرا گھر سمجھتے ہیں، دورہ کرکے دلی مسرت ہوئی، وزیراعظم

شہباز شریف کا کہنا تھا کہ انہیں ایران کے سپریم لیڈر آیت اللہ سید علی خامنہ ای سے ملاقات کا اعزاز حاصل ہوا، جہاں مسلم امہ کو درپیش چیلنجز، باہمی مفادات اور علاقائی مسائل پر گفتگو ہوئی۔

انہوں نے مزید کہا کہ پاکستان امن، ترقی اور ہم آہنگی کے مشترکہ اہداف کو آگے بڑھانے کے لیے پرعزم ہے اور مسلم دنیا میں ایران کے کردار کو قدر کی نگاہ سے دیکھتا ہے۔