وفاقی وزیرداخلہ سے امریکہ کی قائم مقام سفیر کی ملاقات، بھارت کے حملے کے بعد کی صورتحال پر تبادلہ خیال

ویب ڈیسک

07th May, 2025. 04:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی وزیرداخلہ سے امریکہ کی قائم مقام سفیر کی ملاقات، بھارت کے حملے کے بعد کی صورتحال پر تبادلہ خیال

وفاقی وزیرداخلہ محسن نقوی سے امریکہ کی قائم مقام سفیر نیٹلی بیکر کی ملاقات ہوئی، جس میں بھارت کے حملے کے بعد پیدا ہونے والی صورتحال پر تبادلہ خیال کیا گیا۔

وفاقی وزیرداخلہ محسن نقوی نے ملاقات کے دوران قائم مقام امریکی سفیر کو بھارتی حملے سے پیدا ہونے والی صورتحال کے بارے بریف کرتے ہوئے کہا کہ بھارت نے جنوبی ایشیا کے امن کو داو پر لگا دیا ہے۔

محسن نقوی نے یہ بھی کہا کہ بھارت نے علاقائی امن کو تار تار کیا ہے، اور بھارت نے شہریوں کو نشانہ بنا کر بین الاقوامی قوانین کو پامال کیا ہے، جبکہ پاکستان نے وطن کا دفاع کرتے ہوئے دشمن کو بھرپور جواب دیا ہے۔

یہ بھی پڑھیں: بی بی سی نے پہلگام واقعہ میں بھارتی دعوؤں کا بھانڈا پھوڑ دیا، مودی سرکار سخت تنقید کی زد میں

وفاقی وزیرداخلہ کا یہ بھی کہنا تھا کہ پاکستان نے انتہائی تحمل کا مظاہرہ کیا ہے لیکن ہم اپنی سلامتی پر آنچ نہیں آنے دیں گے، جبکہ بھارت کے خطرناک عزائم سے پہلے ہی دوست ممالک کو آگاہ کر دیا تھا۔

امریکہ کے پولیٹیکل قونصلر زیک ہارکن رائیڈر اور وزیر مملکت داخلہ طلال چوہدری بھی اس موقع پر موجود تھے۔