اسلام آباد: آئی ایف ایف کے مطالبے پر حکومت آئندہ بجٹ میں زیادہ پنشن حاصل کرنے والوں پر معمولی انکم ٹیکس عائد کرنے کی تیاری کررہی ہے۔
ذرائع کے مطابق آئندہ مالی سال کے بجٹ میں حکومت کی جانب سے زیادہ پینشن حاصل کرنے والوں پر معمولی انکم ٹیکس عائد کرنے کی تیاری کی جا رہی ہے۔ یہ اقدام بین الاقوامی مالیاتی فنڈ (آئی ایم ایف) کے مطالبے پر کیا جا رہا ہے۔
ذرائع کا کہنا ہے کہ آئی ایم ایف نے حکومت سے مطالبہ کیا ہے کہ ماہانہ 4 لاکھ روپے سے زائد پنشن حاصل کرنے والوں پر 2.5 فیصد تک کا معمولی انکم ٹیکس عائد کیا جائے۔ اس اقدام کا مقصد کم آمدن طبقے کو مساوی ٹیکس نظام کا پیغام دینا ہے۔
یہ بھی پڑھیں: ملازمین کی ریٹائرمنٹ کے بعدپینشنرز کیلئے نئی ترامیم متعارف
ذرائع نے بتایا کہ حکومت کی جانب سے اس تجویز پر سنجیدگی سے غور کیا جا رہا ہے اور امکان ہے کہ آئندہ بجٹ میں اسے شامل کرلیا جائے گا۔
Advertisement
دوسری جانب متوسط طبقے کو ریلیف فراہم کرنے کے لیے بھی تجاویز زیر غور ہیں۔ ذرائع نے بتایا کہ حکومت سالانہ 6 لاکھ روپے آمدن تک انکم ٹیکس کی چھوٹ کی حد بڑھانے پر غور کر رہی ہے۔
علاوہ ازیں ماہانہ 50 ہزار روپے سے زائد آمدن پر بھی ٹیکس چھوٹ کی فراہمی کا امکان ہے تاکہ تنخواہ دار طبقے کو مہنگائی کے موجودہ دباؤ سے کچھ حد تک ریلیف دیا جاسکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
