بھارتی پروپیگنڈا ناکام، آئی ایم ایف نے پاکستان کے اقدامات پر اطمینان کا اظہار کیا ہے۔

 آئی ایم ایف نے تصدیق کی ہے کہ اضافی فنڈنگ کیلئے پاکستان نے تمام اہداف پورے کرلئے ہیں، آئی ایم ایف کی ترجمان جولی کوزیک نے پریس کانفرنس میں کہا کہ ’بورڈ نے پاکستان کے لئیے فنڈنگ سے اتفاق کیا پاکستان نے مطلوبہ اصلاحات پر پیشرفت کی اور تمام ضروری شرائط کو پورا کیا تھا۔

واضح رہے کہ جولی کوزیک کایہ جواب بھارتی صحافی کے ایک سوال پر ردعمل کے طور پر سامنے آیا ہے۔

یہ بھی پڑھیں: پاکستان نے کرتار پور راہدری کے خلاف بھارتی پروپیگنڈا کو واضح طور پر مسترد کردیا

بھارتی صحافی نے الزام لگایا کہ پاکستان سرحد پار دہشتگردی کے لیے اس فنڈنگ کو استعمال کرسکتا ہے، جس کے جواب پر جولی کوزیک نے واضح کیا کہ ’’آئی ایم ایف ایک باقاعدہ عمل کی پیروی کرتا ہے کہ ممالک ان پروگراموں کے تحت کیسے کام کر رہے ہیں۔‘‘

جولی کوزیک نے کہا کہ بورڈ چیک کرتا ہے کہ آیا ممالک اپنے اہداف کو پورا کر رہے ہیں، پروگرام میں مطلوبہ حفاظتی اقدامات شامل ہیں، پاکستان اور بھارت کے پرامن حل کی امید رکھتے ہیں۔

معاشی ماہرین نے کہا کہ بھارت نے پاکستان کی اہم اقتصادی مدد تک رسائی کو کمزور کرنے کی کوشش کی ہے، بھارت کی جانب سے پاکستان پر بے بنیاد الزامات قابل مذمت ہیں۔

  معاشی ماہرین نے مزید کہا کہ پاکستان کو ایک بلین ڈالر کی منظوری میں بھی رکاوٹ کی کوشش کی گئی جو ناکام رہی، بھارت کی جانب سے یہ اقدامات سیاسی پوائنٹ اسکورنگ سے زیادہ کچھ بھی نہیں ہیں۔