وزیر توانائی اویس لغاری نے کہا کہ ہم نجکاری کی طرف جا رہے ہیں کے الیکٹرک اور دیگر انوسٹرز اپنی کارکردگی کے اوپر منافع کمائیں۔

وزیر توانائی اویس لغاری نے صحافیوں سے گفتگو کرتے ہوئے کہا کہ کے الیکٹرک کے ٹیرف پر وفاقی حکومت نظر ثانی درخواست نیپرا میں دائر کرنے جا رہی ہے، اس درخواست پر ہم تیاری کر رہے ہیں۔

 وزیر توانائی نے کہا کہ وفاقی حکومت اور بجلی صارفین پر دباو نہ آئے اس سلسلے میں ہم کام کر رہے ہیں، ہم نجکاری کی طرف جا رہے ہیں کے الیکٹرک اور دیگر انوسٹرز اپنی کارکردگی کے اوپر منافع کمائیں خیرات کی بجائے ایفیشنسی کو مدنظر رکھنا چاہیے ہماری ڈسکوز میں ریگولیٹری قوانین نافذ کروانے چاہیے۔

یہ بھی پڑھیں: نیپرا کی کے الیکٹرک پر مہربانیاں، کراچی بجلی ضروریات پر 110 صفحات کی دستاویزات جاری

اویس لغاری کا یہ بھی کہنا تھا کہ ہم نیپرا میں جائیں گے تاکہ صارف کے لیے مناسب قیمت لے سکیں، کے الیکٹرک کے ٹیرف کا بوجھ دیگر تقسیم کار کمپنیوں کے صارفین ٹیکسز کی مد میں برداشت کرتے ہیں، نیپرا سے امید ہے کہ ایسے فیصلے دیں جس سے ملک اور صارفین کا فائدہ ہو۔

 وزیر توانائی نے کہا کہ نیٹ میٹرنگ کی پالسی پر دوبارہ نظر ثانی، جبکہ نیٹ میٹرنگ پر اسٹیک ہولڈرز سے مشاورت کی گئی ہے، نئی نیٹ میٹرنگ پالیسی کی منظوری دی جاتی ہے تو ایک ماہ میں عملدرآمد ہو جائے گا۔

اویس لغاری نے کہا کہ  31 فیصد انڈسٹری کیلیے بجلی سستی ہوئی ہے، 1 کروڑ 80 لاکھ گھریلو صارفین کے لیے بجلی کی قیمت 50 فیصد کم ہوئی ہیں۔

وزیر توانائی کا کہنا ہے کہ موسمیاتی تبدیلی کی وجہ سے پن بجلی کی پیداوار کم ہوئی ہے، پن بجلی کی کمی کے باعث ہمیں دیگر مہنگے ذرائع سے بجلی کی پیداوار کرنی پڑی ہے

اویس لغاری نے مزید کہا کہ ایف پی اے ہر ماہ کبھی اوپر ہوتا یے کبھی نیچھے جاتا ہے، پاکستان میں مجموعی طور پر بجلی کی قیمتوں میں کمی ہوئی ہے، گردشی قرضہ ختم کرنے کے لیے بینکوں سے پیسے لینے کا منصوبہ جلد ہونے جا رہا ہے۔