ماؤں کا عالمی دن: محسن نقوی کا ’ماں‘ کے عظیم کردار کو خراجِ تحسین

ویب ڈیسک

11th May, 2025. 11:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماؤں کا عالمی دن: محسن نقوی کا ’ماں‘ کے عظیم کردار کو خراجِ تحسین

اسلام آباد: وفاقی وزیر داخلہ محسن نقوی نے ماؤں کے عالمی دن کے موقع پر ماں کے عظیم رتبے اور اس کے ناقابلِ فراموش کردار کو خراجِ تحسین پیش کیا ہے۔

محسن نقوی نے اپنے پیغام میں کہا ہے کہ ماں جیسی ہستی اس دنیا میں سب سے بڑی نعمت ہے اور ماں سے محبت کو کسی ایک دن تک محدود نہیں کیا جا سکتا۔

انہوں نے کہا کہ ماں سے محبت کا رشتہ گود سے شروع ہو کر تاقیامت جاری رہتا ہے، “ماں” سب سے پیارا، مٹھاس سے بھرا ہوا اور خلوص و شفقت سے لبریز لفظ ہے۔

وزیر داخلہ کا کہنا تھا کہ ماں ایک ایسا رشتہ ہے جو سچے جذبات اور پاکیزگی کی اعلیٰ مثال ہے، جس کا کوئی نعم البدل نہیں، ماں کی گود میں گزرے لمحات دنیا کے کسی قیمتی بستر سے بڑھ کر ہوتے ہیں اور ماں کی دعا انسان کو فرش سے عرش تک پہنچا سکتی ہے۔

مزید پڑھیں: ماں تیری عظمت کو سلام ،دنیا بھرمیں آج ماؤں کا عالمی دن

انہوں نے کہا کہ اگر آج وہ کسی مقام پر ہیں تو یہ سب اپنی والدہ محترمہ کی دعاؤں کا نتیجہ ہے اور انہیں یقین ہے کہ ان کی مرحومہ والدہ کی دعائیں آج بھی ان کے ساتھ ہیں۔

محسن نقوی نے تمام ماؤں کی عظمت کو سلام پیش کرتے ہوئے وطن پر قربان ہونے والے شہداء کی ماؤں کو بھی خراج عقیدت پیش کیا اور دعا کی کہ اللہ تعالیٰ ہر ماں کو سلامت رکھے اور ان کی زندگیوں میں خوشیاں عطا فرمائے۔