فیلڈ مارشل سید عاصم منیر کا تہران میں جنرل اسٹاف ہیڈ کوارٹرز کا دورہ

سلمان علی اعوان

27th May, 2025. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیلڈ مارشل سید عاصم منیر کا تہران میں جنرل اسٹاف ہیڈ کوارٹرز کا دورہ

چیف آف آرمی اسٹاف فیلڈ مارشل سید عاصم منیر نے تہران میں جنرل اسٹاف ہیڈ کوارٹرز کا دورہ کیا۔

پاک فوج کے تعلقات عامہ ( آئی ایس پی آر ) کے مطابق ایرانی جنرل اسٹاف ہیڈ کوارٹرز آمد پر فیلڈ مارشل عاصم منیر کا گرمجوشی سے خیرمقدم کیا گیا، جبکہ ایرانی مسلح افواج کے دستے نے فیلڈ مارشل عاصم منیر کو گارڈ آف آنر پیش کیا۔

آئی ایس پی آر نے بتایا کہ چیف آف آرمی اسٹاف فیلڈ مارشل سید عاصم منیر نے ایرانی مسلح افواج کے چیف آف جنرل اسٹاف میجر جنرل محمد باقری سے ملاقات کی، جس میں دوطرفہ دفاعی تعلقات کو مضبوط بنانے پر خصوصی توجہ مرکوز کرتے ہوئے علاقائی سلامتی کے منظر نامے پر تبادلہ خیال کیا گیا۔

یہ بھی پڑھیں: ’’فیلڈ مارشل فاتح حق عاصم منیر ‘‘سوشل میڈیا پر ٹاپ ٹرینڈ بن گیا

آئی ایس پی آر نے کہا کہ آرمی چیف نے وزیراعظم پاکستان کے ہمراہ اس سے قبل ایران کے سپریم لیڈر آیت اللہ سید علی حسینی خامنہ ای اور ایران کے صدر ایچ ای مسعود پیزشکیان سے ملاقات کی۔

ملاقات میں پاک ایران عسکری قیادت کا علاقائی سلامتی بالخصوص دوطرفہ دفاعی تعلقات کو فروغ دینے پر تبادلہ خیال کیا گیا، اس کے علاوہ عسکری تعاون کے فروغ اور مشترکہ سرحد پر سیکورٹی میکنزم کو بہتر بنانے پر بھی غور کیا گیا۔

ملاقات کے دوران سرحدی علاقوں کو تجارت و معاشی سرگرمیوں کا مرکز بنانے پر بھی تبادلہ خیال کیا گیا۔