پاکستان کو ایٹمی طاقت بنے 27 سال مکمل، یوم تکبیر آج قومی جذبے سے منایا جارہا ہے

سلمان علی اعوان

28th May, 2025. 09:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو ایٹمی طاقت بنے 27 سال مکمل، یوم تکبیر آج قومی جذبے سے منایا جارہا ہے

پاکستان کو ایٹمی طاقت بنے 27 سال مکمل ہوگئے ہیں، آج پاکستان بھرمیں ’’یوم تکبیر‘‘ قومی جذبے سے منایا جا رہا ہے۔

28 مئی 1998کو پاکستان نے بھارت کے5 ایٹمی دھماکوں کے جواب میں 6 ایٹمی دھماکے کرکے ملک کے دفاع کو ناقابلِ تسخیر بنا دیا، آج پوری قوم کا سر فخر سے بُلند ہے اور پہلی اسلامی ایٹمی طاقت پاکستان کا ایٹمی پروگرام محفوظ ہاتھوں میں ہے

ایٹمی تجربات کے مقام پر پاکستانی سائنسدانوں نے اللہ تعالیٰ کا شکر ادا کرتے ہوئے نعرہ تکبیر اللہ اکبر بلند کیا، ایٹمی تجربات نے ثابت کیا کہ پاکستان اپنی خودمختاری پر کبھی سمجھوتہ نہیں کرے گا۔

مزید پڑھیں: 28 مئی، جب چاغی کے پہاڑ نے مسلم دنیا کی پہلی ایٹمی طاقت کی گواہی دی

یوم تکبیر پاکستان کے دشمنوں کے لیے واضح پیغام ہے کہ پاکستان کیخلاف جارحیت کا مظاہرہ کرنے والوں کا انجام عبرتناک ہوگا۔

آج پاکستان 1998ء کے مقابلے میں زیادہ مضبوط اور مستحکم ہے، آج پاک فوج اور جمہوری قیادت ایک پلیٹ فارم پر متحد ہیں اور رہیں گے۔

1998 سے اب تک پاکستان ابدالی، غوری، شاہین، بابر، غزنوی، ابابیل، فتح، رعد، براق اور دیگر جدید بیلسٹک، کروز میزائلز اور ڈرونز کے کامیاب تجربات کر کے دفاع کو ناقابلِ تسخیر بنا چکا ہے، پاکستان جنوبی ایشیا میں امن و استحکام کے ماحول کو فروغ دینے کے لیے پرعزم ہے۔