سفاری پارک کی مدھوبالا اور ملکہ کے علاج کے لیے سری لنکن ڈاکٹر کی کراچی آمد

ویب ڈیسک

16th May, 2025. 04:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سفاری پارک کی مدھوبالا اور ملکہ کے علاج کے لیے سری لنکن ڈاکٹر کی کراچی آمد

کراچی: سفاری پارک کی مدھوبالا اور ملکہ کی صحت کا جائزہ لینے کے لیے سری لنکن ڈاکٹر پہنچ گئے ہیں۔

سری لنکا کے ڈاکٹربدھیکا بھنڈارا اور کمیٹی ممبر یسرہ عسکری ٹیم کے ہمراہ سترہ روز کے لیے کراچی پہنچے ہیں۔

سری لنکن ڈاکٹر سفاری پارک میں ہتھنی مدھو بالا اور ہتھنی ملکہ کی صحت کا جائزہ لے رہے ہیں جب کہ سری لنکن ڈاکٹرز نے سفاری پارک میں ہاتھیوں سے متعلق بریفنگ بھی دی۔

سری لنکن ڈاکٹر بدھیکا بھنڈارا نے بریفنگ میں کہا کہ ہر دو ماہ میں سفاری پارک میں موجود ہتھنیوں کی صحت کا جائزہ لیتے ہیں۔

یہ بھی پڑھیں: ہاتھی نے اپنے بچے کو اُونچائی سے اُترنے کا آسان طریقہ بتا دیا

انہوں نے بتایا کہ سفاری پارک میں موجود ہتھنیوں کا علاج جاری ہے، علاج کے دوران ہاتھیوں کے پاس کسی کو آنے کی اجازت نہیں ہے۔

سری لنکن ڈاکٹر کہتے ہیں کہ سفاری پارک میں تفریحی کے لئے آنے والوں کو ہتھنیوں کو دور سے دیکھنے کی اجازت ہوگی۔

انہوں نے مزید بتایا کہ چھ ماہ بعد دوبارہ ہاتھیوں کو چیک کیا جائے گا، دونوں ہتھنیوں کو ٹی بی ہوئی ہے اور ہتھنیوں کا مستقل علاج چلے گا جب کہ ہر چھ ماہ بعد ہتھنیوں کی اسکریننگ کی جائے گی۔