بھارت کے اسرائیلی ساختہ ڈرون حملے ناکام، پاک فوج نے مزید 6 ڈرونز مار گرائے

سلمان علی اعوان

09th May, 2025. 11:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کے اسرائیلی ساختہ ڈرون حملے ناکام، پاک فوج نے مزید 6 ڈرونز مار گرائے

پاک فوج نے وہاڑی، پاکپتن اور اوکاڑہ کے علاقوں میں بھارتی جارحیت کا بھرپور جواب دیتے ہوئے اسرائیلی ساختہ مزید 6 بھارتی ڈرونز کو تباہ کر دیا ہے۔

سیکیورٹی ذرائع کے مطابق پاک فوج کی جانب سے ایک ڈرون وہاڑی، ایک پاکپتن اور چار ڈرونز اوکاڑہ میں مار گرائے گئے، تاہم اب تک مجموعی طور پر دشمن کے 35 ڈرونز تباہ کیے جا چکے ہیں۔

ڈی جی آئی ایس پی آر کا کہنا ہے کہ تمام ڈرونز کو مسلسل ریڈار پر مانیٹر کیا گیا اور ہمارے ایئر ڈیفنس سسٹم میں اتنی صلاحیت ہے کہ وہ چھوٹے اور تیز رفتار ڈرونز کو بھی ٹریک اور نیوٹرلائز کر سکتا ہے۔

مزید پڑھیں: پاک بھارت کشیدگی: افواجِ پاکستان نے اب تک اسرائیلی ساختہ 25 ہیروپ ڈرونز مار گرائے

انہوں نے مزید کہا کہ شہری علاقوں اور کمرشل پروازوں کی موجودگی میں ڈرون کو نشانہ بنانے کے لیے ایک مکمل اور محتاط آپریشنل طریقہ کار اختیار کیا جاتا ہے۔

دفاعی ماہرین کا کہنا ہے کہ حالیہ حملے پاکستان کے دفاعی نظام کی مضبوطی کا منہ بولتا ثبوت ہیں، “ہروپ” جیسے جدید ڈرونز کی کامیاب ٹریکنگ اس بات کی غمازی کرتی ہے کہ پاکستان کا ایئر ڈیفنس سسٹم ہر قسم کے چیلنج کا مؤثر انداز میں مقابلہ کرنے کی صلاحیت رکھتا ہے۔