کراچی مویشی منڈی کا 15 واں روز؛ قربانی کے جانوروں کی بھرمار، خریداروں کا رش

ویب ڈیسک

03rd May, 2025. 10:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی مویشی منڈی کا 15 واں روز؛ قربانی کے جانوروں کی بھرمار، خریداروں کا رش

کراچی: نادرن بائی پاس پر قائم ایشیا کی سب سے بڑی “مویشی دوست منڈی” میں آج پندرھوے روز بھی جانوروں کی بھرپور آمد اور خریداری کا سلسلہ جاری رہا۔

کراچی کے نادرن بائی پاس پر قائم مویشی منڈی میں ملک کے مختلف حصوں سے آئے بیوپاری قربانی کے جانور لے کر منڈی پہنچ رہے ہیں جب کہ شہری اپنے پسندیدہ جانور کی تلاش میں مویشی منڈی کے چکر لگا رہے ہیں۔

خیبرپختونخوا، پنجاب، کشمیر اور کراچی کے مختلف فارم ہاؤسز سے آئے خوبصورت گائے، بیل، بکرے، بچھڑے، بچھیا اور اونٹ مویشی منڈی میں خریداروں کی توجہ کا مرکز بنے ہوئے ہیں۔

مارشل ایریا میں مویشی سے لدی گاڑیوں کی لمبی قطاریں لگی ہوئی ہیں، جہاں رات دن جانوروں کی آمد کا سلسلہ جاری ہے۔

منڈی کے وی آئی پی اور جنرل بلاکس میں دو من سے لے کر دس من وزن تک کے مختلف نسل اور رنگوں کے جانور موجود ہیں۔ بیوپاریوں اور خریداروں کے درمیان قیمتوں پر سودے بازی کا عمل بھی تیزی سے جاری ہے۔

آج ہفتے کے روز صبح سے ہی شہریوں کی بڑی تعداد منڈی پہنچی، جہاں وہ اپنے من پسند جانوروں کی خریداری کے لیے بلاکس کا چکر لگاتے دکھائی دیے۔ بیوپاریوں کا کہنا ہے کہ اگلے چند روز میں خریداروں کا رش مزید بڑھنے کی توقع ہے۔