بھارت کا جنگی جنون اپنے عروج پر، پہلگام حملے کو جواز بنا کر خطے میں جنگی ماحول پیدا کرنے کی سازش کی جارہی ہے۔

ٹائمز ناؤ کے مطابق مودی نے بھارتی افواج کو کسی بھی وقت، کسی بھی ہدف کو نشانہ بنانے کی مکمل آزادی دے دی ہے، اس حوالے سے بھارتی کابینہ کی سیکیورٹی کمیٹی کے مسلسل اجلاس جاری ہیں، جن میں پاکستان کے خلاف فوری اور اسٹریٹیجک اقدامات پر مشاورت کی جارہی ہے۔

ٹائمز ناؤ کا کہنا ہے کہ بھارت نے سندھ طاس معاہدے کو معطل کر کے پانی کو بطور ہتھیار استعمال کرنے کی کھلی دھمکی دے دی ہے، جبکہ پاکستان کے شہریوں کو ملک بدر کرنے اور سفارتی تعلقات محدود کرنے کا بھارتی فیصلہ نفرت انگیز پالیسیوں کا ایک تسلسل ہے۔

ٹائمز ناؤ نے انکشاف کیا کہ بھارت کی جانب سے دوبارہ سرجیکل اسٹرائیک یا بالا کوٹ جیسے حملے کی منصوبہ بندی کی جارہی ہے، بھارتی فوج، فضائیہ اور بحریہ کو مکمل تیار باشی کا حکم دے دیا گیا ہے جس بعد خطے میں ایک اور مسلح تصادم کا خدشہ بڑھ گیا ہے۔

بھارت دہشتگردی کے جھوٹے بیانیے کو بنیاد بنا کر پاکستان پر الزام تراشی سے، عالمی برادری کو گمراہ کرنے کی کوشش کر رہا ہے۔

ذرائع کے مطابق سیٹلائٹ تصاویر کے ذریعے دریا خشک ہونے کی بھارتی پروپیگنڈہ مہم جاری ہے، بھارت پانی کی قلت کو سیاسی ہتھیار بنارہا ہے، بھارتی وزراء کا جنگی بیانیہ، خود ساختہ خطرہ بنا کر عوامی توجہ اصل مسائل سے ہٹائی جا رہی ہے۔

مودی حکومت کی جارحانہ سوچ نے پورے خطے کو خطرے میں ڈال دیا ہے امن کی ہر کوشش سبوتاژ کرنے کا منصوبہ تیار، بھارتی میڈیا پر پاکستان کو مٹی میں ملا دینے کی کھلم کھلا دھمکی دی جارہی ہے اور کہا جارہا ہے کہ بھارت ہے جنگ کیلئے تیار، جبکہ بھارتی میڈیا نے پاکستان کیخلاف آپریشن بدلہ شروع ہوجانے کا بھی دعویٰ کیا ہے۔

دوسری جانب بھارت کی جنگی تیاریوں پر پاکستان حکومت اور افواج نے کسی بھی صورتحال سے نمٹنے کی تیاری مکمل کر لی ہے، بھارت کی پاکستان دشمن پالیسیوں پر عالمی طاقتیں خاموش ہیں، کیا دنیا ایک نئی جنگ کی طرف بڑھ رہی ہے۔