بلوچستان؛ مچھ میں سیکیورٹی فورسز کی گاڑی پر بم حملہ، 7 جوان شہید

ویب ڈیسک

06th May, 2025. 06:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بلوچستان؛ مچھ میں سیکیورٹی فورسز کی گاڑی پر بم حملہ، 7 جوان شہید
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

بلوچستان؛ مچھ میں سیکیورٹی فورسز کی گاڑی پر بم حملہ، 7 جوان شہید

راولپنڈی: بلوچستان کے علاقے مچھ میں سیکیورٹی فورسز کی گاڑی کو دہشت گردوں کی جانب سے نصب کردہ آئی ای ڈی دھماکے کا نشانہ بنایا گیا جس کے نتیجے میں پاک فوج کے 7 جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق یہ دھماکہ کالعدم بلوچ لبریشن آرمی (بی ایل اے) کی جانب سے کیا گیا جو بھارت کی پراکسی کے طور پر کام کررہی ہے۔

آئی ایس پی آر کا کہنا ہے کہ دھماکے کے بعد علاقے میں سرچ اور کلیئرنس آپریشن جاری ہے تاکہ دہشت گردوں کا خاتمہ کیا جا سکے۔

ترجمان پاک فوج نے بتایا کہ شہدا میں صوبیدار عمر فاروق، نائیک آصف خان، نائیک مشکور علی، سپاہی طارق نواز، سپاہی واجد احمد، سپاہی محمد عاصم اور سپاہی محمد کاشف خان شامل ہیں۔

یہ بھی پڑھیں: سیکیورٹی فورسز نے 8 خوارج جہنم واصل کردیے

آئی ایس پی آر نے اس بزدلانہ اور گھناؤنے حملے کی شدید مذمت کرتے ہوئے کہا ہے کہ ان مجرموں کو ہر صورت انصاف کے کٹہرے میں لایا جائے گا۔

ترجمان پاک فوج کا کہنا تھا کہ سیکیورٹی فورسز پوری قوم کے شانہ بشانہ بلوچستان میں امن و استحکام کے لیے پرعزم ہیں اور بلوچستان کی ترقی اور خوشحالی کو سبوتاژ کرنے کی دشمن کی ہر کوشش ناکام بنا دی جائے گی۔

آئی ایس پی آر نے مزید کہا کہ بہادر جوانوں کی قربانیاں ہمارے قومی عزم کو مزید مضبوط بناتی ہیں اور پاکستانی سرزمین پر بھارت اور اس کی پراکسیز کے مذموم عزائم کو ناکامی کا منہ دیکھنا پڑے گا۔