وزیراعظم سہ فریقی اجلاس میں شرکت کے لیے لاچین پہنچ گئے

ویب ڈیسک

27th May, 2025. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم سہ فریقی اجلاس میں شرکت کے لیے لاچین پہنچ گئے

اسلام آؓباد: وزیراعظم شہباز شریف لاچین پہنچ گئے ہیں، جہاں وہ پاکستان، ترکیہ اور آذربائیجان کے سہ فریقی اجلاس میں شرکت کریں گے۔

وزیراعظم محمد شہباز شریف اعلیٰ سطحی وفد کے ہمراہ پاکستان، ترکیہ اور آذربائیجان کے سہ فریقی اجلاس میں شرکت کے لیے آذربائیجان کے شہر لاچین پہنچ گئے ہیں۔

وفد میں نائب وزیراعظم و وزیر خارجہ اسحاق ڈار، وفاقی وزیر اطلاعات و نشریات عطاء اللہ تارڑ اور وزیراعظم کے معاون خصوصی طارق فاطمی بھی شامل ہیں۔

یہ بھی پڑھیں: وزیراعظم کا دورہ ایران؛ ’’پاکستان ترقی اورہم آہنگی کے باہمی مقاصد کو آگے بڑھانے کا منتظر‘‘

لاچین کے ہوائی اڈے پر آذربائیجان کے وزیر خارجہ جیہون بیراموف، آذربائیجان میں پاکستان کے سفیر قاسم محی الدین اور دیگر سفارتی عملے نے وزیراعظم شہباز شریف کا پرتپاک استقبال کیا۔

وزیراعظم شہباز شریف ترکیہ کے صدر رجب طیب ایردوان اور آذربائیجان کے صدر الہام علییوف کے ہمراہ سہ فریقی اجلاس میں شرکت کریں گے۔

اس اجلاس میں تینوں ممالک کے درمیان علاقائی تعاون، اقتصادی روابط اور باہمی دلچسپی کے امور پر تبادلہ خیال متوقع ہے۔

دورے کے دوران وزیراعظم پاکستان، آذربائیجان کے صدر الہام علییوف سے دوطرفہ ملاقات بھی کریں گے جس میں دوطرفہ تعلقات کو مزید فروغ دینے پر گفتگو ہوگی۔