وفاقی حکومت نے  بجٹ 26-2025 میں تنخواہ دار طبقے کے لیے  انکم ٹیکس میں بڑا ریلیف دینے کا اعلان کردیا۔

وفاقی وزیر خزانہ محمد اورنگزیب نے 17 ہزار 573 ارب روپے کا بجٹ 26-2025 پیش کر دیا ہے۔

حکومت نے  آئندہ مالی سال کے بجٹ میں تنخواہوں پر ٹیکس کی شرح کم کردی ہے جس کے مطابق ماہانہ 50 ہزار تنخواہ حاصل کرنے والے پر ٹیکس چھوٹ ہوگی۔

بجٹ 26-2025 میں ماہانہ 1 لاکھ روپے تنخواہ پر ٹیکس 25 سو سے کم کر کے 1250 روپے، ماہانہ ڈیڑھ لاکھ تنخواہ پر ٹیکس 10 ہزار سے کم کر کے 6 ہزار روپے کر دیا گیا۔

اسی طرح ماہانہ 2 لاکھ تنخواہ پر ٹیکس 19 ہزار  167 روپے سے کم کر کے 13 ہزار 500 روپے، ماہانہ 2 لاکھ 25 ہزار تنخواہ پر ٹیکس 25 ہزار 417 روپے سے کم کر کے 19 ہزار 250  روپےکر دیا گیا ہے۔

آئندہ مالی سال کے بجٹ میں ماہانہ ڈھائی لاکھ تنخواہ پر ٹیکس 31 ہزار 667 روپے سے کم کر کے 25 ہزار، جبکہ ماہانہ 3 لاکھ تنخواہ پر ٹیکس 45 ہزار 833 روپے سے کم کر کے 38 ہزار 833  روپےکر دیا گیا ہے۔

ماہانہ ساڑھے 3 لاکھ تنخواہ پر ٹیکس 61 ہزار 250  روپے سے کم کر کے 54 ہزار 250 روپے، ماہانہ 4 لاکھ تنخواہ پر ٹیکس 78 ہزار 750 روپے سے کم کر کے 71 ہزار 750 روپےکر دیا گیا، اس کے علاوہ 5  لاکھ تنخواہ پر ٹیکس 1 لاکھ 13 ہزار 750 روپے سے کم کر کے 1 لاکھ 6 ہزار 750 روپے کر دیا گیا ہے۔

یہ بھی پڑھیں: بجٹ 2025-26؛ کابینہ کے جاری اخراجات میں دوگنا اضافہ تجویز

 بجٹ 26-2025 میں 5  لاکھ تنخواہ پر ٹیکس 1 لاکھ 13 ہزار 750 روپے سے کم کر کے 1 لاکھ 6 ہزار 750  روپے، ماہانہ ساڑھے 5 لاکھ تنخواہ پر ٹیکس 1 لاکھ 31 ہزار 250 روپے سے کم کر کے 24 ہزار 250  روپے مقرر کر دیا گیا،

ماہانہ 6 لاکھ تنخواہ پر ٹیکس 1 لاکھ 48 ہزار سے کم کر کے 1 لاکھ 41 ہزار، ماہانہ 8 لاکھ تنخواہ پر ٹیکس 2 لاکھ 18 ہزار سے کم کر کے 2 لاکھ 11 ہزار، جبکہ ماہانہ 10 لاکھ تنخواہ پر ٹیکس 3 لاکھ 17 ہزار سے کم کر کے 3 لاکھ 7 ہزار کر دیا گیا ہے۔

آئندہ مالی سال کے بجٹ میں ماہانہ 15 لاکھ تنخواہ پر ٹیکس 5 لاکھ 10 ہزار سے کم کر کے 4 لاکھ 98 ہزار، ماہانہ 20 لاکھ تنخواہ پرٹیکس 7 لاکھ 2 ہزار سے کم کر کے 6 لاکھ 89 ہزار جبکہ ماہانہ 25 لاکھ تنخواہ پر ٹیکس 8 لاکھ 95 ہزار سے کم کر کے 8 لاکھ 79 ہزار مقرر کردیا گیاہے۔

بجٹ دستاویز  کے مطابق ماہانہ 28 لاکھ تنخواہ پر ٹیکس 10 لاکھ 10 ہزار سے کم کر کے 9 لاکھ 94 ہزار جبکہ ماہانہ 30 لاکھ تنخواہ پر ٹیکس 10 لاکھ 87 ہزار سے کم کر کے 10 لاکھ 70 ہزار مقرر کردیا گیا ہے۔