بینظیر بھٹو کی قربانیاں، وژن اور عوام سے وابستگی پیپلز پارٹی کی اجتماعی میراث ہے، صدر مملکت

ملک سعید اعوان

21st Jun, 2025. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بینظیر بھٹو کی قربانیاں، وژن اور عوام سے وابستگی پیپلز پارٹی کی اجتماعی میراث ہے، صدر مملکت
پنجاب حکومت آلودگی پر قابو پانے میں مکمل ناکام، لاہور کی فضا خطرناک حد تک آلودہ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق

Now Reading:

بینظیر بھٹو کی قربانیاں، وژن اور عوام سے وابستگی پیپلز پارٹی کی اجتماعی میراث ہے، صدر مملکت

صدر مملکت آصف علی زرداری نے کہا کہ شہید محترمہ بینظیر بھٹو کی قربانیاں، وژن اور عوام سے وابستگی پیپلز پارٹی کی اجتماعی میراث ہے۔

صدر مملکت آصف علی زرداری نے شہید بینظیر بھٹو کی 72 ویں سالگرہ کے موقع پر پیغام دیتے ہوئے کہا کہ ہم شہید محترمہ بینظیر بھٹو کی قومی خدمات اور عظیم قربانیوں کو خراجِ عقیدت پیش کرتے ہیں۔

صدر مملکت نے کہا کہ شہید محترمہ بینظیر بھٹو نے جمہوریت، انسانی وقار اور خواتین کے حقوق کے لیے ناقابل فراموش جدوجہد کی، انہوں نے آمریت کے خلاف جرأت اور استقامت سے مزاحمت کی۔

یہ بھی پڑھیں: صدر مملکت کی جانب سے نیشنل کمانڈ اتھارٹی کے سائنسدانوں اور انجینئرز کیلئے اعزازات

آصف علی زرداری نے کا یہ بھی کہنا تھا کہ شہید محترمہ نے ملک میں جمہوریت کی بحالی کی تحریکوں کی قیادت کی، شہید بی بی قانون کی حکمرانی اور آئین کی بالادستی پر مکمل یقین رکھتی تھیں۔

صدر مملکت نے کہا کہ شہید بی بی خواتین کی سماجی اور معاشی خودمختاری کی علمبردار رہیں، ہم ان کے وژن سے رہنمائی لیتے ہوئے جمہوریت کو مستحکم کریں گے، شہید بی بی پسماندہ طبقات اور اقلیتوں کی آواز اور ایک پرامن، خوشحال پاکستان کی خواہاں تھیں۔

آصف علی زرداری نے مزید کہا کہ شہید بی بی کے اصولوں پر کاربند رہ کر ہر شہری کے بنیادی حقوق کا تحفظ یقینی بنائیں گے، اور ان کی فکر آج بھی ایک منصفانہ اور جمہوری معاشرے کے قیام کے لیے مشعلِ راہ ہے۔