پاک بھارت کشیدگی؛ بلاول بھٹو زرداری نے سفارتی محاذ سنبھال لیا

ویب ڈیسک

01st Jun, 2025. 01:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پاک بھارت کشیدگی؛ بلاول بھٹو زرداری نے سفارتی محاذ سنبھال لیا
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

پاک بھارت کشیدگی؛ بلاول بھٹو زرداری نے سفارتی محاذ سنبھال لیا

بلاول بھٹو زرداری کی وطن واپسی کا شیڈول تبدیل

وزیر خارجہ بلاول بھٹو زرداری بھارت کی حالیہ جارحیت اور پاک بھارت کشیدگی کے تناظر میں پاکستان کا مؤقف عالمی سطح پر پیش کرنے کے مشن پر اعلیٰ سطحی وفد کے ہمراہ نیویارک پہنچ گئے ہیں۔

ذرائع کے مطابق پاکستان پیپلزپارٹی کے چیئرمین بلاول بھٹو زرداری 2 جون کو اقوام متحدہ کے سیکریٹری جنرل انتونیو گوتریس سے اہم ملاقات کریں گے۔

ملاقات میں لائن آف کنٹرول کی صورتحال، مقبوضہ کشمیر میں انسانی حقوق کی خلاف ورزیاں اور بھارتی جارحانہ عزائم پر پاکستان کے تحفظات سے آگاہ کیا جائے گا۔

اس کے علاوہ پاکستانی وفد نیویارک میں مختلف امریکی تھنک ٹینکس، کانگریس کے ارکان اور پالیسی سازوں سے بھی ملاقاتیں کرے گا، تاکہ جنوبی ایشیا میں پائیدار امن کیلئے پاکستان کا مؤقف اجاگر کیا جا سکے۔

مزید پڑھیں: بلاول بھٹو زرداری بڑی مشکل میں پھنس گئے، نا اہلی کا معاملہ سامنے آگیا

وزیر خارجہ بلاول بھٹو 5 جون کو واشنگٹن میں معروف امریکی تھنک ٹینک “مڈل ایسٹ انسٹی ٹیوٹ” میں ہونے والی ایک بین الاقوامی کانفرنس سے بھی خطاب کریں گے۔

یاد رہے کہ پاکستانی وفد میں وفاقی وزیر مصدق ملک، سینیٹر شیری رحمان، سابق وزرائے خارجہ حنا ربانی کھر، جلیل عباس جیلانی، سابق سیکریٹری خارجہ تہمینہ جنجوعہ اور خرم دستگیر خان شامل ہیں۔

علاوہ ازیں وفد مختلف شعبوں سے تعلق رکھنے والے پاکستانی نژاد ماہرین، صحافیوں اور کمیونٹی رہنماؤں سے بھی ملاقاتیں کرے گا۔