ایران اسرائیل جنگ کے براہ راست اثرات پاکستان تک آن پہنچے

عبدالرحمان

19th Jun, 2025. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایران اسرائیل جنگ کے براہ راست اثرات پاکستان تک آن پہنچے
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

ایران اسرائیل جنگ کے براہ راست اثرات پاکستان تک آن پہنچے

ایران اسرائیل جنگ کے براہ راست اثرات پاکستان تک پہنچ گئے ہیں، جس کے نتیجے میں لاہور سے روس کے لیے روانہ ہونے والی مال بردار ٹرین سروس کو غیر معینہ مدت کے لیے معطل کر دیا گیا ہے۔

ریلوے حکام کے مطابق پاکستان ریلوے نے خطے میں جاری ایران-اسرائیل تنازعے کے باعث روس کے لیے کارگو بکنگ کا عمل بھی روک دیا ہے، تاہم یہ فیصلہ سیکیورٹی خدشات اور ممکنہ لاجسٹک رکاوٹوں کے پیش نظر کیا گیا۔

ٹرین کی پہلی روانگی 22 جون کو لاہور سے ہونی تھی، جو ایران، ترکمانستان اور قازقستان کے راستے روسی شہر آستراخان تک 8,000 کلومیٹر طویل سفر طے کرتی، تاہم یہ سفر 25 دن پر محیط ہونا تھا۔

مزید پڑھیں: ایران کے تازہ ترین میزائل حملوں سے تل ابیب میں بڑی تباہی، اسپتال اور متعدد عمارتیں تباہ

پاکستانی تاجروں نے ابتدائی طور پر 16 فریٹ ویگنیں بک کروائی تھیں جن میں کوئلہ اور سیمنٹ روس بھجوانا مقصود تھا، مزید تاجروں کی جانب سے بھی سامان کی بکنگ جاری تھی، جسے اب عارضی طور پر روک دیا گیا ہے۔

ریلوے کے ڈائریکٹر پبلک ریلیشنز بابر علی نے اس فیصلے کی تصدیق کرتے ہوئے بتایا کہ حالات معمول پر آنے کے بعد سروس کی بحالی کی نئی تاریخ کا اعلان کیا جائے گا، اس وقت تک نئی بکنگ بھی معطل رہے گی۔

واضح رہے کہ یہ سروس وفاقی وزیر ریلوے حنیف عباسی کے وژن کے تحت شروع کی گئی تھی تاکہ پاکستان کے بین الاقوامی زمینی تجارتی روابط کو فروغ دیا جا سکے۔