وزیر اعظم کی ہدایت؛ ایران میں پھنسے پاکستانی زائرین کی بحفاظت واپسی کے لیے ہنگامی اقدامات شروع

ویب ڈیسک

13th Jun, 2025. 04:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیر اعظم کی ہدایت؛ ایران میں پھنسے پاکستانی زائرین کی بحفاظت واپسی کے لیے ہنگامی اقدامات شروع
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی

Now Reading:

وزیر اعظم کی ہدایت؛ ایران میں پھنسے پاکستانی زائرین کی بحفاظت واپسی کے لیے ہنگامی اقدامات شروع

اسلام آباد: وزیر اعظم محمد شہباز شریف نے ایران میں موجود پاکستانی زائرین کی حفاظت اور ان کی فوری وطن واپسی کو یقینی بنانے کے لیے ہنگامی اقدامات کی ہدایت جاری کردی۔

وزیراعظم شہباز شریف نے دفتر خارجہ اور ایرانی سفارت خانے کو ہدایت دی ہے کہ زائرین کی سلامتی اولین ترجیح ہونی چاہیے۔

وزیراعظم کی ہدایت پر دفتر خارجہ میں کرائسس مینجمنٹ سیل قائم کر دیا گیا ہے جو ایران میں موجود پاکستانی شہریوں کے حوالے سے تمام معاملات کی نگرانی کرے گا۔

وزیراعظم شہباز شریف نے واضح کیا کہ زائرین کی بحفاظت وطن واپسی کے لیے تمام ممکنہ وسائل بروئے کار لائے جائیں اور ایرانی حکام سے مکمل رابطے میں رہ کر تعاون حاصل کیا جائے۔

یہ بھی پڑھیں: ایران پر اسرائیلی حملے کی مذمت؛ عالمی برادری فوری اقدامات کرے، وزیراعظم

ان کا کہنا تھا کہ کسی بھی قسم کی غفلت یا تاخیر ناقابل قبول ہوگی جب کہ انہوں نے ایران میں پاکستانی سفارت خانے کو بھی ہدایت دی ہے کہ وہ مسلسل الرٹ رہیں اور زائرین سے براہِ راست رابطہ رکھیں۔

وزیراعظم نے مزید کہا کہ جب تک خطے کی صورتحال مکمل طور پر معمول پر نہیں آتی، متعلقہ ادارے ہر لمحہ تیار اور فعال رہیں۔

دفتر خارجہ کی جانب سے جاری بیان میں کہا گیا ہے کہ تمام زائرین کو تحفظ کی فراہمی، رہائش، خوراک اور سفری سہولیات فراہم کرنے کے لیے فوری اقدامات کیے جارہے ہیں۔ عوام سے اپیل کی گئی ہے کہ وہ درست معلومات کے لیے صرف سرکاری ذرائع پر اعتماد کریں۔