ملک میں الیکٹرک وہیکلز کے فروغ کیلئے ترجیحی بنیادوں پر اقدامات کیے جائیں، وزیرِاعظم

فہد

14th Jun, 2025. 04:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں الیکٹرک وہیکلز کے فروغ کیلئے ترجیحی بنیادوں پر اقدامات کیے جائیں، وزیرِاعظم

وزیرِاعظم محمد شہباز شریف نے کہا کہ ملک میں الیکٹرک موٹرسائیکلز، اسکوٹیز، تھری ویلرز، گاڑیوں اور بسوں کے فروغ کے لیے ترجیحی بنیادوں پر اقدامات کئے جائیں۔

وزیرِاعظم محمد شہباز شریف کی زیرِ صدارت ملک میں الیکٹرک وہیکلرز کی صنعت اور ان کے استعمال کی حوصلہ افزائی کیلئے پالیسی سازی و لائحہ عمل پر جائزہ اجلاس ہوا، جس میں میں الیکٹرک وہیکلز پالیسی 2025 کے مسودے پر بھی گفتگو ہوئی۔

وزیرِاعظم نے دوران اجلاس کہا کہ الیکٹرک وہیکلز کے لیے چارجنگ اسٹیشنز اور بیٹری سواپنگ اسٹیشنز کے قیام کو بھی یقینی بنایا جائے۔

یہ بھی پڑھیں: پاور ڈویژن کی جانب سے الیکٹرک وہیکلز کی پالیسی انتہائی خوش آئند ہے، وزیراعظم

وزیرِاعظم نے اجلاس میں ہدایت دیتے ہوئے کہا کہ ملک میں ٹو ویلرز اور تھری ویلرز کی تیاری کی استعداد بڑھانے کے لیے صنعتوں کو اس حوالے سے سہولت فراہم کی جائے۔

وزیرِاعظم نے اجلاس میں الیکٹرک وہیکلز پالیسی تمام اسٹیک ہولڈرز کی مشاورت سے جلد مکمل کرکے کابینہ میں پیش کرنے کی ہدایت بھی دی۔

اجلاس میں وفاقی وزراء رانا تنویر حسین، احد خان چیمہ، محمد اورنگزیب، معاون خصوصی ہارون اختر اور متعلقہ اعلی حکام نے شرکت کی۔