پاکستان نے صرف ایک سال میں کھانے کے تیل پر کتنے ارب خرچ کیے؟ جانیے

ویب ڈیسک

20th Jul, 2025. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نے صرف ایک سال میں کھانے کے تیل پر کتنے ارب خرچ کیے؟ جانیے

ادارہ شماریات کی جانب سے جاری کردہ سرکاری دستاویزات کے مطابق مالی سال 2024-25 کے دوران پاکستان نے مجموعی طور پر 1,065 ارب روپے مالیت کا کوکنگ آئل درآمد کیا، جس میں پام آئل اور سویا بین آئل کی درآمدات میں نمایاں اضافہ دیکھا گیا۔

رپورٹ کے مطابق مالی سال 2024-25 میں صرف پام آئل کی درآمدی مالیت 967 ارب روپے رہی، جو کہ 3 ارب 39 کروڑ 33 لاکھ ڈالر کے مساوی ہے۔

اس مدت میں 32 لاکھ 13 ہزار میٹرک ٹن پام آئل درآمد کیا گیا، جو گزشتہ مالی سال کے مقابلے میں 22.13 فیصد زائد ہے۔ یاد رہے کہ مالی سال 2023-25 میں پام آئل کی درآمدات کا حجم 2 ارب 77 کروڑ 85 لاکھ ڈالر تھا۔

اسی طرح سویا بین آئل کی درآمدات میں بھی غیر معمولی اضافہ دیکھا گیا۔ مالی سال 2024-25 کے دوران پاکستان نے 3 لاکھ 21 ہزار میٹرک ٹن سویا بین آئل درآمد کیا، جس کی مالیت 98 ارب روپے سے زائد اور حجم 34 کروڑ 38 لاکھ ڈالر کے برابر رہا۔ یہ اضافہ گزشتہ مالی سال کے مقابلے میں 165.43 فیصد زیادہ ہے۔

صرف جون 2025 میں سویا بین آئل کی درآمدات میں 196.41 فیصد اضافہ ریکارڈ کیا گیا، جب کہ ایک ماہ کے دوران 20 ہزار 302 میٹرک ٹن سویا بین آئل درآمد کیا گیا۔