ایس آئی ایف سی کی معاونت سے کاروباری اور زرعی فنانسنگ میں اضافہ متوقع

سلمان علی اعوان

16th Jul, 2025. 11:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایس آئی ایف سی کی معاونت سے کاروباری اور زرعی فنانسنگ میں اضافہ متوقع
پاکستان نے فضائی حملے میں 3 افغان کرکٹرز کی ہلاکت سے متعلق آئی سی سی کا بیان مسترد کردیا
دوحہ مذاکرات کا پہلا دور مکمل، پاکستان نے افغانستان سے حملے ناقابل قبول قرار دیدے
پاکستان نے افغانستان میں موجود گل بہادر گروپ کے 70 سے زائد خارجی واصل جہنم کر دیے

Now Reading:

ایس آئی ایف سی کی معاونت سے کاروباری اور زرعی فنانسنگ میں اضافہ متوقع

اسپیشل انویسٹمنٹ فیسیلیٹیشن کونسل (ایس آئی ایف سی) کی سہولت کاری اور حکومتی اقدامات کے باعث ملک میں چھوٹے و درمیانے درجے کے کاروباری اداروں (SMEs) اور زرعی فنانسنگ میں بہتری کی توقع ظاہر کی جا رہی ہے۔

کراچی میں وزیر خزانہ محمد اورنگزیب اور گورنر اسٹیٹ بینک جمیل احمد نے ملک کے بڑے بینکوں کے چیف ایگزیکٹو افسران سے ملاقات کی، جس میں فنانسنگ کے فروغ، سرمایہ کاری کے مواقع اور معیشت کو مضبوط بنانے کے اقدامات پر تفصیلی تبادلہ خیال ہوا۔

وزیر خزانہ نے اس موقع پر بتایا کہ ایس ایم ایز فنانسنگ میں 41 فیصد جبکہ زرعی فنانسنگ میں 15 فیصد اضافہ ریکارڈ کیا گیا ہے، جو ایک مثبت پیش رفت ہے۔

انہوں نے مزید کہا کہ معاشی استحکام مشکل مگر ضروری فیصلوں اور تمام اسٹیک ہولڈرز کی مشترکہ کوششوں کا نتیجہ ہے۔

مزید پڑھیں: زرعی شعبے میں پائیدار اصلاحات سے ملکی معیشت کو مزید فروغ ملے گا

گورنر اسٹیٹ بینک جمیل احمد نے بتایا کہ حکومت نے زراعت اور ایس ایم ایز کو ترجیحی شعبے قرار دیتے ہوئے ان میں فنانسنگ کے فروغ کے لیے مؤثر اقدامات کیے ہیں، ان اقدامات کو ایس آئی ایف سی کی معاونت اور حکومتی ترغیبی پالیسیوں کا بھی سہارا حاصل ہے۔

حکام کا کہنا ہے کہ ایس آئی ایف سی کے تحت جاری اقدامات سے نہ صرف ترجیحی شعبوں میں سرمایہ کاری بڑھے گی بلکہ روزگار کے نئے مواقع بھی پیدا ہوں گے۔