کراچی سے کینجھر جھیل جانے والی پکنک بس حادثے کا شکار ہوگئی ہے۔
ریسکیو ذرائع کے مطابق ٹھٹھہ اور خیرپور کے قریب قومی شاہراہ پر دو الگ الگ حادثات میں کم از کم 9 افراد جان کی بازی ہار گئے جبکہ 45 سے زائد زخمی ہو گئے۔
ذرائع نے بتایا ہے کہ پہلا حادثہ درسگاہ محمد علی کے مقام پر پیش آیا، جہاں کراچی سے کینجھر جھیل جانے والی تیز رفتار بس بے قابو ہو کر کھائی میں جا گری۔
حادثے کے نتیجے میں 6 افراد جاں بحق اور 20 زخمی ہوئے، زخمیوں کو فوری طور پر قریبی اسپتالوں میں منتقل کر دیا گیا ہے۔
Advertisement
مزید پڑھیں؛ کینجھر جھیل میں ڈوب کر بچی جاں بحق
ریسکیو حکام کا کہنا ہے کہ متاثرہ افراد کا تعلق کراچی کے علاقے اورنگی ٹاؤن سے ہے اور وہ پکنک منانے کے لیے کینجھر جھیل جا رہے تھے۔
دوسرا حادثہ خیرپور کے قریب پیش آیا، جہاں بارش کے دوران ایک مسافر کوچ الٹ گئی، حادثے میں 3 افراد موقع پر ہی دم توڑ گئے جبکہ 25 سے زائد زخمی ہو گئے، تاہم کوچ کراچی سے مانسہرہ جا رہی تھی۔
Advertisement
حکام نے دونوں حادثات کی وجہ تیز رفتاری اور خراب موسم کو قرار دیا ہے جبکہ زخمیوں کی حالت کے بارے میں اسپتال ذرائع کا کہنا ہے کہ بعض کی حالت تشویشناک ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
