پاکستان اور چین کے درمیان میری ٹائم تعاون کا نیا باب، مفاہمتی یادداشت پر دستخط

ملک سعید اعوان

24th Jul, 2025. 10:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پاکستان اور چین کے درمیان میری ٹائم تعاون کا نیا باب، مفاہمتی یادداشت پر دستخط
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق
واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان
الجومَیع کی دیوانگی، کراچی کو یرغمال بنالیا گیا، ریاستِ پاکستان کی عزت داؤ پر

Now Reading:

پاکستان اور چین کے درمیان میری ٹائم تعاون کا نیا باب، مفاہمتی یادداشت پر دستخط

اسلام آباد: پاکستان اور چین کے درمیان میری ٹائم شعبے میں تعاون کے فروغ کے لیے ایک اہم پیشرفت سامنے آئی ہے، جہاں پاکستان نیشنل شپنگ کارپوریشن اور چین کی معروف شپنگ کمپنی شینڈونگ ژین شو کے درمیان مفاہمتی یادداشت پر دستخط کیے گئے۔

اس موقع پر وفاقی وزیر برائے بحری امور محمد جنید انوار چوہدری نے تقریب سے خطاب کرتے ہوئے کہا کہ یہ معاہدہ دوطرفہ مشترکہ ترقی کا آغاز ہے، جو خطے میں تجارت، سرمایہ کاری اور رابطوں کو فروغ دے گا۔

وفاقی وزیر نے کہا کہ اس معاہدے کے ذریعے پاکستان کی شپنگ انڈسٹری کو استحکام ملے گا اور ملک کی میری ٹائم معیشت میں پیش رفت کے نئے مواقع پیدا ہوں گے۔

معاہدے کی تفصیلات

جنید انوار چوہدری کے مطابق معاہدہ بحری جہازوں کی خرید و فروخت، لیزنگ اور انتظامی خدمات کا احاطہ کرتا ہے, دونوں کمپنیاں جہازوں کے انتظام، مارکیٹنگ اور کریو مینجمنٹ میں مل کر کام کریں گی۔

مزید پڑھیں: پاکستان اور چین کا علاقائی امن اور ترقی کیلئے تعاون بڑھانے پر اتفاق

وفاقی وزیر نے بتایا کہ ژین شو کمپنی، پاکستان نیشنل شپنگ کارپوریشن کو سرمایہ اور جدید جہاز فراہم کرے گی، اس اشتراک سے میری ٹائم سیکٹر میں سرمایہ کاری کے لیے سازگار ماحول پیدا ہوگا۔

وزیرِ بحری امور نے مزید کہا کہ یہ اقدام نہ صرف پاکستان کے لیے اقتصادی امکانات کو وسعت دے گا بلکہ چین کے ساتھ معاشی تعلقات کو مزید مضبوط بنانے میں بھی مددگار ثابت ہوگا۔