بحری سرحدیں محفوظ ہاتھوں میں! نیول چیف کی زیرصدارت اہم کانفرنس

ویب ڈیسک

16th Jul, 2025. 06:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بحری سرحدیں محفوظ ہاتھوں میں! نیول چیف کی زیرصدارت اہم کانفرنس

ایڈمرل نوید اشرف کی سربراہی میں پاک بحریہ کی کمانڈ اینڈ اسٹاف کانفرنس کا اجلاس

اسلام آباد: پاک بحریہ کی کمانڈ اینڈ اسٹاف کانفرنس نیول ہیڈکوارٹرز اسلام آباد میں منعقد ہوئی جس کی صدارت سربراہ پاک بحریہ ایڈمرل نوید اشرف نے کی۔

پاک بحریہ کی کمانڈ اینڈ اسٹاف کانفرنس میں فیلڈ کمانڈرز اور پرنسپل اسٹاف آفیسرز نے شرکت کی اور بحری پالیسیوں، منصوبوں اور آپریشنل تیاریوں کا تفصیلی جائزہ لیا۔

اس دوران سربراہ پاک بحریہ ایڈمرل نوید اشرف نے ’’معرکۂ حق‘‘ کے دوران پاک بحریہ کے کردار کو سراہتے ہوئے کہا کہ بحری افواج کی سمندری دفاعی صلاحیتیں ناقابل تسخیر ہیں۔

انہوں نے بحری راستوں پر تجارتی روانی برقرار رکھنے اور بندرگاہوں پر آپریشنز کو بلا تعطل جاری رکھنے کے اقدامات کو بھی قابل تحسین قرار دیا۔

یہ بھی پڑھیں: اطالوی بحریہ کی پاکستان نیوی کے ساتھ بحیرہ عرب میں مشترکہ مشق

نیول چیف نے کہا کہ میری ٹائم ڈومین میں درپیش روایتی اور غیر روایتی خطرات سے نمٹنے کے لیے جنگی تیاریوں کو مسلسل برقرار رکھنا ناگزیر ہے۔

کانفرنس میں جدید ٹیکنالوجی کے استعمال پر بھی زور دیا گیا۔ ایڈمرل نوید اشرف نے بحری نگرانی اور آپریشنز میں ڈرونز، زیرِ آب اور سطحِ آب پر چلنے والی خودکار کشتیوں (بحری ڈرونز) کی اہمیت کو اجاگر کیا اور ان کے مؤثر استعمال کو وقت کی ضرورت قرار دیا۔

کانفرنس کے دوران شرکاء نے قومی سلامتی، علاقائی سمندری صورتحال اور پاک بحریہ کی مستقبل کی حکمت عملیوں پر بھی تبادلہ خیال کیا۔