بجلی صارفین کیلئے بڑی خوشخبری، بجلی کی قیمتوں میں 1 روپے 16 پیسے کمی ہونے جا رہی ہے۔

بجلی کا کم سے کم ٹیرف  ماہانہ 50 یونٹ تک کے گھریلولائف لائن صارفین کے لیے3.95 روپے فی یونٹ کا ٹیرف برقرار رہے گا، تاہم گھریلو صارفین کے لیےبجلی کازیادہ سےزیادہ ٹیرف 48.84 سےکم ہوکر 47.69  روپےہوجائےگا۔

ایک سے 100 یونٹ تک پروٹیکٹڈ گھریلوصارفین کاٹیرف 10.54 روپےہوجائےگا، اسی طرح ماہانہ 700  یونٹ سے زیادہ کا ٹیرف 47.69 روپے ہوجائے گا، تاہم ٹیکسوں کوملاکرسیلب کےحساب سے فی یونٹ ٹیرف کی قیمت بڑھ جائے گی۔

یہ بھی پڑھیں: بجلی صارفین کیلئے بڑی خوشخبری متوقع، وفاقی حکومت کا اہم فیصلہ

وزیراعظم کی جانب سے اپریل میں ماہانہ اور سہہ ماہی فیول ایڈجسٹمنٹ کی مد میں 7.41 پیسے کمی کا اعلان کیا گیا تھا، ان احکامات کے بعد بجلی کے بلوں سے ٹی وی فیس بھی ختم کر دی گئی ہے، اس طرح شہبازشریف کے وزیراعظم ہوتے  ہوئے مسلسل 3 سال تک بنیادی ٹیرف میں اضافے کوبریک لگ گئے، اوراب  پہلی بارسالانہ بنیادی ٹیرف میں کمی کی گئی ہے۔

یاد رہے کہ ماضی میں شہبازشریف کے وزیراعظم ہوتے ہوئےبنیادی ٹیرف میں تاریخی اضافہ کیا گیاتھا۔

اگر ماضی میں نظر دوڑائیں تو جولائی تااکتوبر2022 بجلی کے فی یونٹ بنیادی ٹیرف میں 7.91  روپے، جولائی 2023 میں بجلی کے فی یونٹ بنیادی ٹیرف میں 7.50 روپے جبکہ جولائی 2023  میں فی یونٹ 3.23 روپےکا مستقل سر چارج بھی عائد کیا گیا تھا۔

اسی طرح جولائی 2024 میں فی یونٹ بجلی کا بنیادی ٹیرف7.12 روپے تک بڑھایا گیا تھا، تاہم اب شبہاز حکومت میں بنیادی ٹیرف میں ایک روپے 16 پیسے فی یونٹ تک کمی ہونے جا رہی ہے۔