لاہور، غیر ملکی خاتون کے ساتھ چھیڑخانی، ملزم کی ویڈیو منظر عام پر

ویب ڈیسک

05th Jul, 2025. 05:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور، غیر ملکی خاتون کے ساتھ چھیڑخانی، ملزم کی ویڈیو منظر عام پر

لاہور شہر کے پوش علاقے میں واقع ایک نجی ہاؤسنگ سوسائٹی میں نائجیرین خاتون کے ساتھ مبینہ چھیڑخانی کی ویڈیو منظر عام پر آ گئی ہے، جس میں ایک مقامی شخص کو خاتون کے ساتھ نازیبا حرکات کرتے ہوئے دیکھا جا سکتا ہے۔

ذرائع کے مطابق واقعہ رات کے وقت پیش آیا، جب غیر ملکی خاتون اپنے بچے کے ہمراہ پیدل اپنے گھر جا رہی تھی۔

اس دوران شلوار قمیض میں ملبوس ایک شخص نے خاتون کا راستہ روک کر نازیبا حرکات شروع کر دیں۔

خاتون نے خوف زدہ ہو کر فوری طور پر اپنے گھر کی راہ لی اور چند لمحوں بعد اپنے شوہر کے ہمراہ باہر نکلی، تاہم اس دوران مذکورہ شخص موقع سے فرار ہو چکا تھا۔

سوسائٹی میں نصب سی سی ٹی وی کیمروں کی مدد سے واقعے کی ویڈیو حاصل کر لی گئی ہے، جس میں ملزم کو واضح طور پر دیکھا جا سکتا ہے۔

ویڈیو وائرل ہونے کے بعد واقعے کی شدت مزید بڑھ گئی ہے اور سوشل میڈیا پر بھی شدید ردعمل دیکھنے میں آ رہا ہے۔

ذرائع کا کہنا ہے کہ چھیڑخانی کرنے والا شخص اسی ہاؤسنگ سوسائٹی کا رہائشی ہے، اور اس کی شناخت کے لیے پولیس اور سوسائٹی انتظامیہ مشترکہ طور پر کارروائی کر رہی ہیں۔