بنوں: پولیس چوکی پر دہشتگردوں کا حملہ ناکام؛ 3 دہشتگرد ہلاک، 1 اہلکار شہید

ویب ڈیسک

03rd Aug, 2025. 10:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بنوں: پولیس چوکی پر دہشتگردوں کا حملہ ناکام؛ 3 دہشتگرد ہلاک، 1 اہلکار شہید

خیبرپختونخوا کے ضلع بنوں کے علاقے فتح خیل لیڑا پل پر واقع پولیس چوکی پر طالبان دہشت گردوں نے رات گئے حملہ کر دیا۔

پولیس نے جرات مندی سے مقابلہ کرتے ہوئے تین دہشت گردوں کو ہلاک کر دیا، تاہم فائرنگ کے تبادلے میں ایک پولیس اہلکار شہید اور تین زخمی ہو گئے۔

پولیس ذرائع کے مطابق جھڑپ کا آغاز رات تقریباً 2 بج کر 30 منٹ پر ہوا، جو کئی گھنٹوں تک جاری رہی، تاہم حملے میں شہید ہونے والے کانسٹیبل کی شناخت روخنیاز کے نام سے ہوئی ہے۔

واقعے کے فوری بعد ضلعی پولیس افسر (ڈی پی او) سلیم عباس کلاچی نے علاقے میں سرچ آپریشن کی قیادت کی، جس میں ممکنہ طور پر ملوث مزید عناصر کی تلاش جاری ہے۔

سیکیورٹی اہلکاروں نے علاقے کو گھیرے میں لے لیا ہے اور حساس مقامات کی نگرانی سخت کر دی گئی ہے۔

مزید پڑھیں: مٹھی بھر دہشتگرد پاکستان کی ترقی کا راستہ نہیں روک سکتے، ڈی جی آئی ایس پی آر

پولیس نے حملہ ناکام بنا کر ایک بڑا سانحہ روک لیا، تاہم شہید اہلکار کی قربانی کو خراج تحسین پیش کیا جا رہا ہے جبکہ زخمی اہلکاروں کو فوری طور پر قریبی اسپتال منتقل کر دیا گیا ہے، جہاں ان کا علاج جاری ہے۔