ریلیف آپریشن؛ سیلاب متاثرہ علاقوں کے عوام کا پاک فوج کو خراج تحسین

سلمان علی اعوان

18th Aug, 2025. 01:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ریلیف آپریشن؛ سیلاب متاثرہ علاقوں کے عوام کا پاک فوج کو خراج تحسین

خیبر پختونخوا میں آرمی فلڈ ریلیف آپریشن پر سیلاب متاثرہ علاقوں کے عوام نے پاک فوج کو خراج تحسین پیش کیا ہے۔

سیلاب سے متاثرہ بونیر، باجوڑ، سوات اور مالاکنڈ ڈویژن میں پاک فوج کی خدمات پر عوام نے فوج سے اظہار تشکر کرتے ہوئے کہا ہے کہ ہم پاک فوج کے شکر گزار ہیں کہ انہوں نے مشکل وقت میں ہماری مدد کی جب کوئی اور نہیں پہنچ سکا۔

انہوں نے کہا کہ ہمارے جوانوں نے دن رات کی پروا کیے بغیر یہاں آ کر لوگوں کو با حفاظت ریسکیو کیا، ہماری بروقت مدد پرہم دل سے پاک فوج کے شکر گزار ہیں۔

عوام کی جانب سے کہا گیا کہ ہم نے اپنی آنکھوں سے دیکھا کہ پاک فوج دن رات عوام کی خدمت کے لیے موجود رہی، ہم نے ہیلی کاپٹروں کو یہاں آتے دیکھا، جو لوگوں کو امداد فراہم کر رہے تھے اور بچوں، خواتین اور بزرگوں کو محفوظ مقامات تک منتقل کر رہے تھے۔

مزید پڑھیں: سیلاب اور بارشوں سے جاں بحق افراد کی تعداد335 سے تجاوز، پاک فوج کا ریلیف آپریشن مزید تیز

انکا کہنا تھا کہ اگر ہماری فوج نہ ہوتی، تو شاید ہمیں کوئی سہارا نہ ملتا، کیونکہ ہمارے ایم این اے یا نمائندے تو یہاں آئے ہی نہیں۔

عوام نے مزید کہا کہ یہ وہی فوج ہے، جسے بعض لوگ تنقید کا نشانہ بناتے ہیں، لیکن یہی فوج ہماری مدد کے لیے مشینری سمیت پہنچی اور ہمارے ساتھ کھڑی رہی، ہم پاک فوج کے جذبے اور خدمت کو دل سے سراہتے ہیں۔