کراچی: سندھ بھر میں سیکیورٹی فیچر سے لیس نئی نمبر پلیٹس کی تنصیب کی ڈیڈ لائن میں توسیع کردی گئی ہے۔
چیئرمین بلاول بھٹو زرداری سے ملاقات میں صوبائی وزیر ایکسائز، ٹیکسیشن و نارکوٹکس مکیش کمار چاولہ نے سیکیورٹی نمبر پلیٹس سے متعلق تفصیلات سے آگاہ کیا جب کہ بلاول بھٹو نے عوامی سہولت کے پیش نظر ڈیڈ لائن میں توسیع کی ہدایت کی۔
چیئرمین پیپلزپارٹی بلاول بھٹو زرداری کی ہدایت پر محکمہ ایکسائز اینڈ ٹیکسیشن نے سیکیورٹی فیچر سے لیس نئی نمبر پلیٹس کی تنصیب کی تاریخ 14 اگست سے بڑھا کر 31 اکتوبر 2025 مقرر کردی ہے۔
یہ بھی پڑھیں: کسی شخص یا دکاندار کا نمبر پلیٹ جاری کرنا اختیار نہیں، یہ کام حکومتی ادارے ہی کرسکتے ہیں
مکیش چاولہ نے بریفنگ میں بتایا کہ نئی نمبر پلیٹس سندھ حکومت کے سیف سٹی پراجیکٹ کا اہم حصہ ہیں جو گاڑیوں کی سیکیورٹی کو بہتر بنانے میں مددگار ثابت ہوں گی۔
Advertisement
وزیر نے بلاول بھٹو کو یہ بھی بتایا کہ محکمہ نارکوٹکس نے حالیہ مہینوں میں سات ارب روپے مالیت کی منشیات ضبط کی جو کہ ایک ریکارڈ ہے۔
چیف وہپ سندھ اسمبلی مکیش چاولہ نے پیپلز پارٹی اراکین کی اسمبلی حاضری اور قانون سازی میں شمولیت سے بھی چیئرمین بلاول بھٹو زرداری کو آگاہ کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
