چین میں پاک بحریہ کی تیسری ہنگور کلاس آبدوز کی لانچنگ تقریب کا انعقاد

سلمان علی اعوان

16th Aug, 2025. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین میں پاک بحریہ کی تیسری ہنگور کلاس آبدوز کی لانچنگ تقریب کا انعقاد

چین میں پاک بحریہ کی تیسری ہنگور کلاس آبدوز پی این ایس ایم مانگرو کی لانچنگ تقریب کا انعقاد کیا گیا۔

پاک فوج کے شعبہ تعلقات عامہ (آئی ایس پی آر) کے مطابق ڈپٹی چیف آف نیول اسٹاف پراجیکٹ-2 وائس ایڈمرل عبد الصمد تقریب کے مہمان خصوصی تھے، جبکہ لانچنگ تقریب میں پاکستان اور چین کے اعلیٰ حکام نے شرکت کی۔

وائس ایڈمرل عبد الصمد نے اس بات پر زور دیا کہ پاک بحریہ محفوظ اور مشترکہ ماحول کو فروغ دیتے ہوئے قومی مفادات کے تحفظ کے لیے پرعزم ہے۔

یہ بھی پڑھیں: پاک بحریہ کیلئے چین میں تیار کی جانے والی تیسری ہنگور کلاس آبدوز بھی لانچ

وائس ایڈمرل عبد الصمد نے اس موقع پر کہا کہ ہنگور کلاس آبدوزیں خطے میں طاقت کا توازن اور امن و استحکام کو برقرار رکھنے میں اہم کردار ادا کریں گیں، یہ پراجیکٹ یقینی طور پر پاک چین دوستی میں ایک نئی جہت کا اضافہ کرے گا۔

ان کا کہنا تھا کہ حکومت پاکستان نے چین کے ساتھ 8 ہنگور کلاس آبدوزوں کے حصول کے معاہدے پر دستخط کیے تھے، معاہدے کے تحت 4 آبدوزیں چین میں اور 4 کراچی شپ یارڈ میں ٹرانسفر آف ٹیکنالوجی کے تحت تعمیر کی جائیں گی۔

وائس ایڈمرل عبد الصمد نے مزید کہا کہ یہ آبدوزیں جدید ترین ہتھیاروں اور سینسرز سے لیس ہوں گی جس سے دور تک اہداف کو نشانہ بنایا جا سکے گا۔