سانحہ 9 مئی کے مزید دو مقدمات کا فیصلہ؛ شاہ محمود قریشی بری، متعدد رہنما پابند سلاسل

ویب ڈیسک

11th Aug, 2025. 04:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سانحہ 9 مئی کے مزید دو مقدمات کا فیصلہ؛ شاہ محمود قریشی بری، متعدد رہنما پابند سلاسل
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
سول اسپتال حیدرآباد میں جعلی چیکس کے ذریعے کروڑوں روپے نکالے جانے کا انکشاف

Now Reading:

سانحہ 9 مئی کے مزید دو مقدمات کا فیصلہ؛ شاہ محمود قریشی بری، متعدد رہنما پابند سلاسل

لاہور: انسدادِ دہشت گردی عدالت نے سانحہ 9 مئی کے دو اہم مقدمات کا فیصلہ سناتے ہوئے پاکستان تحریک انصاف کے وائس چیئرمین شاہ محمود قریشی کو دونوں کیسز میں بری کردیا جب کہ دیگر رہنماؤں اور کارکنان کو قید کی سزائیں سنائی گئیں۔

انسدادِ دہشت گردی عدالت کے جج نے کوٹ لکھپت جیل میں فیصلہ سناتے ہوئے سابق صوبائی وزراء میاں محمود الرشید اور عمر سرفراز چیمہ، ڈاکٹر یاسمین راشد اور سینیٹر اعجاز چوہدری کو 10، 10 سال قید کی سزا سنائی۔

عائشہ بھٹہ کو جناح ہاؤس کے قریب گاڑیاں جلانے کے مقدمے میں 10 سال قید کی سزا دی گئی۔ اسی کیس میں عدالت نے عالیہ حمزہ ملک اور صنم جاوید کو 5، 5 سال قید کی سزا سنائی۔

یہ بھی پڑھیں: پی ٹی آئی رہنمائوں کے خلاف 9 مئی کے ایک اور کیس کا فیصلہ محفوظ

تھانہ شادمان کو آگ لگانے کے مقدمے میں 12 ملزمان کو بری کرنے کا حکم دیا جن میں سہیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاہد بیگ، ماجد علی اور بخت روان شامل ہیں۔

کیس میں ایک ملزمہ فرخندہ سمیت 7 ملزمان مفرور ہیں جب کہ ایک ملزم غلام یوسف دورانِ ٹرائل وفات پاچکا ہے۔

واضح رہے کہ یہ مقدمات 9 مئی 2023 کو ہونے والے پرتشدد واقعات کے دوران جلاؤ گھیراؤ اور سرکاری و نجی املاک کو نقصان پہنچانے کے الزامات پر درج کیے گئے تھے۔