مسلم لیگ ن اور پیپلز پارٹی کا ضمنی انتخابات مل کر لڑنے کا اعلان

ویب ڈیسک

23rd Aug, 2025. 06:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

مسلم لیگ ن اور پیپلز پارٹی کا ضمنی انتخابات مل کر لڑنے کا اعلان
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

مسلم لیگ ن اور پیپلز پارٹی کا ضمنی انتخابات مل کر لڑنے کا اعلان

پاکستان مسلم لیگ (ن) اور پاکستان پیپلز پارٹی نے ضمنی انتخابات میں باہمی تعاون کے ساتھ میدان میں اترنے کا فیصلہ کرلیا ہے۔

مسلم لیگ (ن) اور پیپلز پارٹی نے اعلان کیا ہے کہ جس حلقے میں کسی ایک پارٹی کا امیدوار عام انتخابات میں دوسرے نمبر پر آیا تھا، وہاں دوسری جماعت اس کی حمایت کرے گی۔

سابق اسپیکر قومی اسمبلی اور پیپلز پارٹی کے رہنما راجہ پرویز اشرف نے کہا کہ یہ فارمولا پارٹی قیادت کی ہدایات کی روشنی میں طے پایا ہے جس کے تحت ن لیگ اُن نشستوں پر پیپلز پارٹی کے امیدواروں کو سپورٹ کرے گی جہاں وہ دوسرے نمبر پر رہے تھے۔

انہوں نے بتایا کہ اسی طرح جہاں ن لیگ کے امیدوار دوسرے نمبر پر تھے، وہاں پیپلز پارٹی حمایت کرے گی۔

یہ بھی پڑھیں: ن لیگ کا اعلیٰ سطح اجلاس، ضمنی انتخابات اور پارٹی تنظیم نو پر مشاورت

مسلم لیگ (ن) کے رہنما حنیف عباسی نے کہا کہ ن لیگ اور پیپلز پارٹی پہلے ہی سینیٹ، قومی اسمبلی اور صوبائی اسمبلیوں میں ایک دوسرے کی اتحادی جماعتیں ہیں اور اب ضمنی انتخابات میں بھی مشترکہ حکمت عملی کے ساتھ حصہ لیں گی۔

ان کا کہنا تھا کہ یہ اتحاد دونوں جماعتوں کو انتخابات میں بہتر نتائج دینے میں مددگار ثابت ہوگا۔

رہنماؤں نے اعتماد ظاہر کیا کہ مشترکہ لائحہ عمل کے ذریعے ن لیگ اور پیپلز پارٹی ضمنی انتخابات میں نمایاں کامیابی حاصل کریں گی اور عوام کو ایک مضبوط سیاسی اتحاد کا پیغام دیں گی۔