ایرانی صدر کا پاکستان میں آج مصروف ترین دن؛ معاہدوں اور یادداشتوں پر دستخط متوقع

سلمان علی اعوان

03rd Aug, 2025. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ایرانی صدر کا پاکستان میں آج مصروف ترین دن؛ معاہدوں اور یادداشتوں پر دستخط متوقع
پاکستان نے فضائی حملے میں 3 افغان کرکٹرز کی ہلاکت سے متعلق آئی سی سی کا بیان مسترد کردیا
دوحہ مذاکرات کا پہلا دور مکمل، پاکستان نے افغانستان سے حملے ناقابل قبول قرار دیدے
پاکستان نے افغانستان میں موجود گل بہادر گروپ کے 70 سے زائد خارجی واصل جہنم کر دیے

Now Reading:

ایرانی صدر کا پاکستان میں آج مصروف ترین دن؛ معاہدوں اور یادداشتوں پر دستخط متوقع

اسلام آباد: ایران کے صدر ڈاکٹر مسعود پزشکیان آج اسلام آباد میں مصروف دن گزاریں گے، جہاں وہ پاکستان کی اعلیٰ قیادت سے ملاقاتیں اور مختلف معاہدوں اور یادداشتوں پر دستخط کریں گے۔

ذرائع کے مطابق ایرانی صدر کے ہمراہ آنے والے اعلیٰ سطح وفد میں وزیر خارجہ سید عباس عراقچی، سینئر وزرا اور دیگر اہم حکام شامل ہیں۔

صدر پزشکیان آج صدرِ پاکستان آصف علی زرداری اور وزیرِ اعظم محمد شہباز شریف سے علیحدہ علیحدہ ملاقاتیں کریں گے اور ان ملاقاتوں کے بعد دونوں ممالک کے درمیان وفود کی سطح پر مذاکرات کا انعقاد بھی ہوگا۔

ذرائع نے بتایا ہے کہ آج پاکستان اور ایران کے مابین مختلف شعبہ جات میں تعاون پر مبنی اعلیٰ سطح اجلاس ہوں گے، جن میں باہمی تجارت، سرحدی سیکیورٹی، توانائی اور علاقائی تعاون جیسے امور زیرِ بحث آئیں گے۔

مزید پڑھیں: ایرانی صدر مسعود پیزشکیان کی صدر مملکت اور وزیراعظم سے اہم ملاقاتیں آج، اہم امور پر تبادلہ خیال ہوگا

ذرائع کا مزید کہنا ہے کہ اس اہم دورے سے پاکستان اور ایران کے درمیان برادرانہ تعلقات مزید مستحکم ہوں گے اور دوطرفہ تعاون کے نئے در وا ہوں گے۔

یاد رہے کہ یہ ایرانی صدر ڈاکٹر مسعود پزشکیان کا بطور صدر پاکستان کا پہلا سرکاری دورہ ہے، جسے دونوں ممالک کے درمیان تعلقات کے فروغ کے لیے اہم پیش رفت قرار دیا جارہا ہے۔