18ویں ترمیم میں سقم دور کرنے کی کوشش؛ حکومت نے بڑا فیصلہ کرلیا

فہد چوہدری

04th Aug, 2025. 01:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

18ویں ترمیم میں سقم دور کرنے کی کوشش؛ حکومت نے بڑا فیصلہ کرلیا

اسلام آباد: 18 ویں آئینی ترمیم میں سقم دور کرنے کے معاملے پر حکومت نے پیپلز پارٹی اور دیگر جماعتوں سے مشاورت کا فیصلہ کرلیا ہے۔

حکومتی ذرائع کے مطابق مشاورت کا یہ عمل قومی اسمبلی کے اجلاس کے دوران جاری رہے گا، پہلے مرحلے میں پیپلز پارٹی سے مشاورت کی جائے گی اور پیپلزپارٹی کی رضامندی کی صورت میں دیگر جماعتوں سے بات چیت ہوگی۔

ذرائع کا کہنا ہے کہ اتفاق رائے کی صورت میں حکومت آئین میں 27 ویں ترمیم لائے گی، قومی اسمبلی میں پیپلز پارٹی کے ساتھ دینے کی صورت میں حکومت دو تہائی اکثریت حاصل کرلے گی۔

حکومتی ذرائع نے بتایا کہ سینیٹ میں دو تہائی اکثریت کےلیے جے یو آئی ف کی حمایت درکار ہوگی، 18 ویں ترمیم میں بہت سے امور صوبوں کو گئے مگر ان پر مکمل عمل نہ ہوسکا، کئی وزارتوں کے آج تک قواعد و ضوابط طے نہیں ہوسکے۔

مزید پڑھیں: سپریم کورٹ نے وفاقی حکومت سے 26ویں آئینی ترامیم پر جواب مانگ لیا

ذرائع کے مطابق صوبوں کو مالی خودمختاری دینے کے معاملے پر بھی ترمیم تجویز کی جائے گی جبکہ بلدیاتی حکومتوں کے اختیارات این ایف سی ایوارڈ میں وفاق کا حصہ بڑھانے سے متعلق بھی ترامیم تجویز کی جائے گی۔

حکومتی ذرائع نے مزید بتایا ہے کہ کابینہ کمیٹی برائے قانون سازی مجوزہ تجاویز پر غور کررہی ہے جب تک اتفاق رائے نہیں ہوگا مذاکراتی عمل کو خفیہ رکھا جائے گا۔