وزیراعظم محمد شہباز شریف نے حالیہ بارشوں کے نتیجے میں سندھ بالخصوص کراچی میں سیلابی صورتحال کا نوٹس لے لیا۔
وزیراعظم نے این ڈی ایم اے کو کراچی اور سندھ کے دیگر علاقوں میں سیلاب کے پیش نظر امدادی کاروائیوں کے لیے صوبائی حکومت اور سندھ ڈزاسٹر مینجمنٹ اتھارٹی سے مکمل تعاون کرنے کی ہدایت کی ہے۔
وزیراعظم نے کراچی میں متحرک امدادی کاروائیوں پر ریسکیو 1122، پاک فوج اور رینجرز کی پزیرائی کی ہے۔
شہباز شریف نے گڈاب ندی میں شہریوں کے ڈوبنے پر افسوس کا اظہار کرتے ہوئے متعلقہ اداروں کو سیلاب میں لا پتہ افراد کو جلد از جلد تلاش کرنے کی ہدایت دی۔
یہ بھی پڑھیں: کراچی میں شدید بارش کے بعد اربن فلڈنگ؛ تھڈو ڈیم اوورفلو، ندیاں بپھر گئیں، فوج طلب
Advertisement
وزیراعظم نے کہا کہ عوام کو سیلابی صورتحال سے آگاہ کرنے کے لیے اگاہی مہم کو مزید متحرک کیا جائے تاکہ زیادہ سے زیادہ شہری سیلاب سے بچ سکیں۔
شہباز شریف نے سیلاب سے متاثرہ نظام مواصلات کی جلد از جلد بحالی کے لیے اقدامات لینے کی ہدایت دیتے ہوئے کہا کہ سیلابی صورتحال سے نمٹنے کے لیے وفاق اور سندھ حکومت مکمل طور پر متحرک ہیں۔
وزیراعظم نے مزید کہا کہ کراچی میں سیلاب سے متاثرہ خاندانوں کی امداد اور بحالی کے لیے ترجیحی بنیادوں پر اقدامات لیے جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
