سپریم کورٹ رولز 2025 پر غور؛ فل کورٹ اجلاس 8 ستمبر کو طلب

ذوالقرنین اقبال

05th Sep, 2025. 02:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپریم کورٹ رولز 2025 پر غور؛ فل کورٹ اجلاس 8 ستمبر کو طلب

سپریم کورٹ ججز نے سپریم کورٹ رولز 2025 پر غور کے لیے فل کورٹ اجلاس 8 ستمبر کو طلب کرلیا۔

ذرائع کے مطابق چیف جسٹس پاکستان یحییٰ آفریدی کی زیر صدارت فل کورٹ اجلاس دن ایک بجے ہوگا، جو صرف ایک نکاتی ایجنڈا پر مشتمل ہوگا، اجلاس میں سپریم کورٹ رولز 2025 میں ترامیم کا جائزہ لیا جائے گا۔

صدر سپریم کورٹ بار ایسوسی ایشن نے تحریری تجاویز سپریم کورٹ کو بجھوائی ہیں، تجاویز میں عدالتی فیسوں میں اضافے کی واپسی کا بھی مطالبہ کیا گیا تھا، تاہم تاحال کسی جج نے رولز میں ترامیم کیلئے تجاویز جمع نہیں کروائیں۔

یہ بھی پڑھیں: سپریم کورٹ کے اہم انتظامی فیصلے اور پالیسی اپ ڈیٹس منظر عام پر آگئیں

واضح رہے کہ سپریم کورٹ رولز 2025 سرکولیشن کے ذریعے اکثریت سے منظور کیے گئے تھے تاہم اختلاف کرنے والے ججز کی رائے تھی کہ رولز فل کورٹ اجلاس سے منظور کرائے جائیں۔

اختلاف کرنے والے ججز نے 15 دن گزرنے کے باوجود کوئی تجاویز نہیں دیں۔ ذرائع کے مطابق سپریم کورٹ بار کی تجاویز پر فل کورٹ اجلاس میں غور ہوگا۔

انتظامی فل کورٹ سے قبل سپریم کورٹ میں نئے عدالتی سال کی تقریب کا اہتمام ہوگا، نئے عدالتی سال پر سپریم کورٹ میں قائم کیے گئے سہولت مرکز کا افتتاح بھی کیا جائے گا۔