ایم کیوایم پاکستان کے رہنما فاروق ستار نے کہا کہ پاکستان پیپلزپارٹی کی صوبائی حکومت اور ان کے دھاندلی ذدہ الیکشن سےکامیاب ہوکرمئیرکراچی آئے انہوں نے فیصلہ کیا ہےکہ وہ نہ خود کام کریں گےاورنہ کسی کوکام کرنےدیں گے۔

ایم کیوایم پاکستان کے رہنما فاروق ستارنے دیگررہنماؤں کےہمراہ بہادرآباد میں پریس کانفرنس کرتے ہوئے کہا کہ سیاسی اختلافات کا مطلب عوامی مفادکےکاموں کوروک دینانہیں ہوتا، تعمیراتی منصوبوں کو سیاست کی نذرکردیاگیا۔

انہوں نے کہا کہ ایم کیوایم کی محنت سے گرین لائن بی آرٹی مکمل ہونے جارہاتھا، گرین لائن منصوبےکے20حصوں میں سےصرف آخری حصہ باقی تھا، گرین لائن سرجانی سےنمائش تک مکمل، اب اسےصدرتک بڑھاناہے، تاہم کنٹریکٹرسےاختلافات کےباعث گرین لائن منصوبہ تعطل کاشکارہوا۔

فاروق ستار کا کہنا تھا کہ میئرکراچی نےکہامنصوبےکی این اوسی نہیں لی گئی،کام روک دیاگیا، این اوسی محض کاغذی رسم ہے،اس بنیاد پرکام روکنابلاجوازتھا۔

یہ بھی پڑھیں: پی پی کو پتہ بھی نہیں چلےگا کب ان کے پیروں سے زمین نکل جائےگی، فاروق ستار

انہوں نے کہا کہ گرین لائن کاسہراایم کیو ایم کوجارہاتھاتومیرکراچی کوہضم نہ ہوا، ان کی صوبائی حکومت خود ریڈلائن میں پھنسی ہوئی ہے، ان سے نہ کوئی کام وقت پرشروع ہوتا ہے نہ مکمل ہوتا ہے۔

فاروق ستار نے مزید کہا کہ کئی منصوبےایسے ہیں جوپیپلزپارٹی مکمل نہ کرسکی، دیہی،شہری سندھ کےعوام کےسامنےان کی قلعی کھل چکی، پوری یونیورسٹی روڈ کابیڑہ غرق کردیاگیا، شاہراہ بھٹوبارشوں میں بہہ گئی،تعمیرکاحال سب کےسامنے ہے۔