سعودی عرب کا قومی دن، پاکستانیوں کا اظہار یکجہتی

ویب ڈیسک

23rd Sep, 2025. 10:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کا قومی دن، پاکستانیوں کا اظہار یکجہتی

سعودی عرب کا قومی دن آج عزت و احترام و شان سے منایا جارہا ہے۔

پاک سعودی دفاعی معاہدے کے تناظر میں اسلام آباد کا ریڈ زون سبز روشنیوں سے نہلا دیا گیا ہے۔

ایوان صدر وزیر اعظم آفس پارلیمنٹ ہاؤس سمیت ریاستی عمارتیں گرین روشنیوں کا شاندار منظر پیش کررہی ہیں، جبکہ پاکستان اور سعودی عرب کے پرچم شاہراہوں پر آویزاں ہیں۔

یہ بھی پڑھیں: شہباز شریف اور محمد بن سلمان کی ملاقات، پاک سعودیہ تاریخی دفاعی معاہدہ طے پا گیا

صدر آصف علی زرداری وزیر اعظم شہبازشریف فیلڈ مارشل سید عاصم منیر بادشاہ شاہ سلمان ولی عہد محمد بن سلمان کی قد آور تصاویر شاہراہ دستور پر آویزاں کی گئی ہیں، جبکہ کلمہ طیبہ والا سعودی قومی پرچم اور پاکستان کا پرچم شاندار مناظر پیش کررہا ہے۔

واضح رہے کہ سعودی عرب میں ہر سال 23 ستمبرکو قومی یومِ سعودی عرب کے طور پر منایا جاتا ہے۔ یہ دن 1932ء میں شاہ عبد العزیز بن عبد الرحمن آل سعود کے ذریعے مملکتِ سعودی عرب کے قیام کی مناسبت سے یوم تاسیس کے طور پر منایا جاتا ہے۔

23 ستمبر کو مملکتِ سعودی عرب کے قومی دن کے طور پر منانے کا فیصلہ ممتاز سعودی فرمانروا شاہ فیصل بن عبدالعزیز آل سعود کے دور میں اگست 1965ء میں اُن کی طرف سے جاری کردہ ایک شاہی فرمان کے تحت کیا گیا اور اِسی سال 23ستمبر کو پہلی بار یہ دن باقاعدہ سرکاری طور پر منایا گیا۔