صدر مملکت آصف علی زرداری کی موجودگی میں چین کے شہر اُرومچی میں پاکستان اور چین کے درمیان 3 اہم مفاہمتی یادداشتوں (MoUs) پر دستخط کیے گئے۔
پاکستان اور چین کے درمیان لائیو اسٹاک انڈسٹری میں جدت، پاکستان میں جدید ٹیکسٹائل انڈسٹریل پارک کے قیام، فائر ٹرکس اور ایمرجنسی آلات کی فراہمی و خدمات کیلئے مفاہمتی یادداشتوں پر دستخط ہوئے۔
اس موقع پر صدر آصف علی زرداری نے گفتگو کرتے ہوئے کہا کہ یہ یادداشتیں خوراک کے تحفظ، صنعتی ترقی، برآمدات اور آفات سے نمٹنے کی صلاحیت کو بہتر بنائیں گی، لائیو اسٹاک سیکٹر کی بہتری دیہی روزگار کے مواقع بڑھائے گی۔
انہوں نے مزید کہا کہ ٹیکسٹائل پارک کا قیام برآمدات اور صنعتی ترقی کو فروغ دے گا، جدید فائر ٹرکس اور آلات عوامی تحفظ اور ایمرجنسی رسپانس کو مضبوط کریں گے۔
تاہم، سینیٹر سلیم مانڈوی والا، پاکستان کے سفیر برائے چین اور چین کے سفیر برائے پاکستان بھی اس موقع پر موجود تھے۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
