راولپنڈی: سیکیورٹی فورسز نے لکی مروت میں آپریشن کرتے ہوئے 17 بھارتی اسپانسرڈ دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے 26 اور 27 ستمبر کی درمیانی شب خفیہ اطلاع پر لکی مروت کے علاقے میں انٹیلی جنس بیسڈ آپریشن کیا جس میں بھارتی پراکسی گروہ فتنہ الخوارج سے تعلق رکھنے والے 17 دہشت گردوں کو ہلاک کیا گیا۔
آئی ایس پی آر کا کہنا ہے کہ کارروائی دہشت گردوں کی موجودگی کی مصدقہ اطلاع پر کی گئی۔ آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود بھی برآمد ہوا۔
ترجمان پاک فوج نے بتایا کہ ہلاک دہشت گرد سیکیورٹی فورسز اور قانون نافذ کرنے والے اداروں پر حملوں کے ساتھ ساتھ معصوم شہریوں کے قتل میں بھی ملوث تھے۔
پاک فوج کے شعبہ تعلقات عامہ کا مزید کہنا ہے کہ علاقے کو دہشت گردوں سے مکمل طور پر پاک کرنے کے لیے سینیٹائزیشن آپریشن جاری ہے تاکہ کسی بھی ممکنہ بھارتی اسپانسرڈ خارجی کو ختم کیا جاسکے۔
Advertisement
آئی ایس پی آر نے واضح کیا کہ سیکیورٹی فورسز ملک سے بھارتی سرپرستی میں ہونے والی دہشت گردی کی لعنت کے مکمل خاتمے کے لیے پرعزم ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
