9 مئی کیس؛ خیبرپختونخوا حکومت کو ایک اور بڑے سیاسی بحران کا سامنا

ویب ڈیسک

10th Sep, 2025. 11:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

9 مئی کیس؛ خیبرپختونخوا حکومت کو ایک اور بڑے سیاسی بحران کا سامنا
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق
واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان

Now Reading:

9 مئی کیس؛ خیبرپختونخوا حکومت کو ایک اور بڑے سیاسی بحران کا سامنا

پشاور: خیبر پختونخوا حکومت کو ایک اور بڑے سیاسی بحران کا سامنا ہے، جہاں 9 مئی کے واقعات میں ملوث متعدد ارکان قومی و صوبائی اسمبلی، وزراء اور اعلیٰ عہدیداروں کو نااہل قرار دیے جانے کا امکان ظاہر کیا جا رہا ہے۔

ذرائع کے مطابق نااہل ہونے والوں میں 25 سے زائد ارکان اسمبلی، صوبائی وزراء اور ایک اہم اعلیٰ سرکاری عہدیدار شامل ہیں۔

اس صورتحال کے پیش نظر وزیراعلیٰ ہاؤس پشاور میں ایک اعلیٰ سطح اجلاس بھی منعقد ہوا، جس میں ایڈووکیٹ جنرل اور پاکستان تحریک انصاف کے اہم رہنماؤں نے شرکت کی۔

ذرائع کے مطابق اجلاس میں 9 مئی کی تحقیقات کے حوالے سے اہم فیصلے زیرِ غور آئے۔

ذرائع کا کہنا ہے کہ اجلاس میں بعض تحقیقاتی افسران کو تبدیل کرنے اور کیس کی دوبارہ تفتیش کی تجویز دی گئی، تاہم پولیس حکام نے اس تجویز کو مسترد کر دیا۔

مزید پڑھیں: پی ٹی آئی رہنمائوں کے خلاف 9 مئی کے ایک اور کیس کا فیصلہ محفوظ

پولیس کا مؤقف ہے کہ جب چالان عدالت میں جمع ہو چکا ہو اور فرد جرم عائد ہو چکی ہو تو قانون کے مطابق دوبارہ تفتیش کی گنجائش نہیں رہتی۔

اجلاس کے بعد اعلیٰ سطحی حکام کو کسی بھی غیر قانونی اقدام سے روکنے کے لیے واضح احکامات جاری کیے گئے، تاکہ ممکنہ سیاسی اور قانونی نقصان سے بچا جا سکے۔