موسمیاتی تبدیلی بڑا چیلنج؛ ہمیں مشترکہ حکمت عملی اپنانا ہوگی، اسحاق ڈار

ویب ڈیسک

08th Sep, 2025. 03:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

موسمیاتی تبدیلی بڑا چیلنج؛ ہمیں مشترکہ حکمت عملی اپنانا ہوگی، اسحاق ڈار
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق
واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان

Now Reading:

موسمیاتی تبدیلی بڑا چیلنج؛ ہمیں مشترکہ حکمت عملی اپنانا ہوگی، اسحاق ڈار

اسلام آباد: نائب وزیراعظم اسحاق ڈار نے کہا ہے کہ موسمیاتی تبدیلی بڑا چیلنج ہے، ہمیں مشترکہ حکمت عملی اپنانا ہوگی۔

وزیر خارجہ اسحاق ڈار نے انٹرپارلیمانی اسپیکرز کانفرنس کی افتتاحی تقریب سے خطاب کرتے ہوئے کہا ہے کہ امن، استحکام اور ترقی کے درمیان گہرا تعلق موجود ہے اور موجودہ عالمی حالات میں پارلیمانی سطح پر روابط اور تبادلوں کا فروغ وقت کی اہم ضرورت بن چکا ہے۔

انہوں نے کہا کہ دنیا کو اس وقت موسمیاتی تبدیلی جیسے سنجیدہ چیلنجز کا سامنا ہے، جن سے نمٹنے کے لیے مشترکہ کوششیں ناگزیر ہیں۔

اسحاق ڈار نے زور دیا کہ پارلیمانی سفارتکاری نہ صرف مکالمے کے فروغ بلکہ علاقائی ہم آہنگی اور مسائل کے پرامن حل کے لیے بھی کلیدی کردار ادا کر سکتی ہے۔

مزید پڑھیں: افغانستان پر واضح کر دیا ٹی ٹی پی کے خلاف کارروائی کریں یا ہمارے حوالے کریں، اسحاق ڈار

نائب وزیراعظم نے کہا کہ پاکستان نے ہمیشہ بین الاقوامی تنازعات کو پرامن طریقے سے حل کرنے پر زور دیا ہے اور آج بھی یہی مؤقف برقرار ہے، پائیدار علاقائی امن کے لیے مشترکہ حکمت عملی اپنانے کی ضرورت ہے۔

اسحاق ڈار نے اپنے خطاب میں موجودہ سیلابی صورتحال کا بھی ذکر کیا اور بتایا کہ پاکستان ایک بار پھر سیلاب کی ہولناک تباہ کاریوں کا سامنا کر رہا ہے، جس سے لاکھوں افراد متاثر ہوئے ہیں۔

انہوں نے عالمی برادری سے ماحولیاتی انصاف کے لیے آواز بلند کرنے اور عملی اقدامات اٹھانے کا مطالبہ بھی کیا۔