تنازعات عالمی امن کو خطرے میں ڈال رہے ہیں ۔  شہبازشریف نے عالمی یوم امن پر پیغام میں کہا کہ امن کے فروغ کے لیے ہر فرد اور ہر قوم کو اپنا انفرادی اور اجتماعی کردار ادا کرنا ہوگا۔

شہبازشریف نے کہاکہ پاکستان اپنے امن اور انصاف کے اعلیٰ اصولوں سے غیر متزلزل وابستگی کا اعادہ کرتا ہے۔ ان کا کہناتھاکہ آج دنیا بھر میں تنازعات اور ناانصافیاں بنی نوع انسان کے مستقبل کو خطرے میں ڈال رہی ہیں۔

انہوں نے کہاکہ  پائیدار امن اس وقت تک ممکن نہیں جب تک تنازعات کی بنیادیں ختم نہ کر دی جائیں۔شہبازشریف نے کہاکہ امن کومضبوط بین الاقوامی اداروں کے ذریعے پروان چڑھانا اور محفوظ رکھنا ہوگا۔

وزیراعظم نے کہاکہ عالمی برادری کو چاہیے کہ وہ اقوامِ متحدہ کے چارٹر کے مطابق پرامن ذرائع سے تنازعات کے حل کے عزم کو ایک بار پھر پختہ کرے۔

ان کاکہناتھاکہ ہم فلسطین کے مقبوضہ علاقے اور بھارت کے زیر تسلط مقبوضہ جموں و کشمیر میں جاری سنگین انسانی المیوں کو نظرانداز نہیں کرسکتے۔

شہبازشریف نے کہاکہ جب تک ان خطوں کے عوام کو سلامتی کونسل کی قراردادوں کے مطابق حقِ خودارادیت نہیں دیا جاتا۔ ان کاکہناتھاکہ  مستقل امن ایک خواب ہی رہے گا۔

وزیراعظم نے کہاکہ پاکستان کو اس امر پر فخر ہے کہ اس نے عالمی امن کے قیام میں بھرپور کردار ادا کیا ہے۔

شہبازشریف نے دعوت دی کہ اس عالمی یومِ امن پر آئیے ہم سب تعمیری اور اجتماعی عمل کا عہد کریں۔ ان کاکہناتھاکہ  ان ہتھیاروں کو خاموش کریں جو بے گناہوں کی جان لیتے ہیں۔

انہوں نے کہاکہ سفارت کاری پر دوبارہ اعتماد کریں اور تنازعات کو پرامن ذرائع سے حل کریں۔ ان کا کہناتھاکہ پاکستان اپنا کردار ادا کرنے کے لیے تیار ہے۔