بی ٹوبی کانفرنس پاکستان میں اربوں ڈالر کی سرمایہ کاری کا پیش خیمہ ثابت ہوگی، وزیر اعظم

ویب ڈیسک

05th Sep, 2025. 09:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بی ٹوبی کانفرنس پاکستان میں اربوں ڈالر کی سرمایہ کاری کا پیش خیمہ ثابت ہوگی، وزیر اعظم

وزیراعظم شہباز شریف نے کہا کہ بی ٹوبی کانفرنس پاکستان میں اربوں ڈالرکی سرمایہ کاری کاپیش خیمہ ثابت ہوگی، جس سے معیشت مضبوط، روزگار کے مواقع میسرآئیں گے۔

بیجنگ میں دوسری پاک چین بزنس ٹوبزنس سرمایہ کاری کانفرنس منعقد ہوئی جس میں پاکستان اور چین کے درمیان مختلف شعبوں میں 21 مفاہمتی یادداشتوں کے تبادلے کیے گئے، جبکہ مفاہمتی یادداشتوں اور معاہدوں کے تحت 4.2 ارب ڈالرکی سرمایہ کاری ہوگی۔

وزیراعظم شہباز شریف نے دوسری پاک چین بزنس ٹوبزنس سرمایہ کاری کانفرنس کی اختتامی تقریب سےخطاب کرتے ہوئے کہا کہ سرمایہ کاروں کے درمیان مفاہمتی یادداشتوں کاتبادلہ خوش آئندہے، معاہدوں کےتحت دونوں ملکوں کےتعاون کوفروغ ملےگا۔

انہوں نے کہا کہ پٹروکیمیکل، آئر، شمسی توانائی کےشعبےمیں تعاون کوفروغ دیاجائے گا، اس حوالے سے ایس آئی ایف سی،سرمایہ کاری بورڈسمیت متعلقہ اداروں کاکردار قابل تحسین ہے۔

یہ بھی پڑھیں: وزیراعظم شہباز شریف کی چینی وزیراعظم سے ملاقات، پاک چین تعلقات مزید مستحکم بنانے پر اتفاق

وزیراعظم نے کہا کہ کاروباری برادری کےدرمیان مختلف شعبوں میں تعاون لائق تحسین ہے، یقین ہےکہ ہم اپنےاہداف حاصل کرنےمیں کامیاب ہوں گے۔

شہباز شریف نے مزید کہا کہ کانفرنس ہماری اقتصادی ترقی کالانگ مارچ ثابت ہوگی، بی ٹوبی کانفرنس پاکستان کی ترقی میں سنگ میل ثابت ہوگی۔