اندرون سندھ میں ممکنہ سیلاب کا خطرہ؛ پاک فوج اور رینجرز متحرک

ویب ڈیسک

04th Sep, 2025. 10:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اندرون سندھ میں ممکنہ سیلاب کا خطرہ؛ پاک فوج اور رینجرز متحرک

پاکستان میں حالیہ شدید بارشوں اور بھارت کی جانب سے دریاؤں میں اضافی پانی چھوڑنے کے باعث اندرونِ سندھ میں ممکنہ سیلاب کا خطرہ بڑھ گیا ہے۔

ممکنہ ہنگامی صورتحال کے پیش نظر پاک فوج اور دیگر قانون نافذ کرنے والے ادارے الرٹ ہو گئے ہیں اور متاثرہ علاقوں میں پیشگی حفاظتی اقدامات شروع کر دیے گئے ہیں۔

پاک فوج کے دستے ضروری ریسکیو اور ریلیف سامان کے ہمراہ ممکنہ طور پر متاثر ہونے والے علاقوں میں تعینات کردیے گئے ہیں۔

فوجی افسران اور جوان حسبِ روایت عوام کی خدمت کے جذبے کے تحت ممکنہ سیلابی صورتحال سے نمٹنے کے لیے ہر ممکن اقدامات کر رہے ہیں۔

مزید پڑھیں: دریائے سندھ میں اونچے درجے کا سیلاب، حفاظتی بند مضبوط بنانے کا عمل تیز

پاکستان رینجرز سندھ جانب سے محکمہ آبپاشی کے تعمیر و مرمت پر معمور عملے کو سیکیورٹی فراہم کی جا رہی ہے اور حفاظتی بند پر رینجرز کی موبائل گشت اور پکٹس کو مزید بڑھا دیا گیا ہے جبکہ کچے کے علاقے سے نکلنے والے لوگوں کو بھی مدد فراہم کی جا رہی ہے۔

پاکستان رینجرز سندھ کی جانب سے سول انتظامیہ کے ساتھ مل کر فری میڈیکل کیمپ کا بھی انعقاد کیا گیا جس میں علاقہ مکینوں کو مفت طبی سہولیات میسر کی جا رہی ہیں۔

پاک فوج اور پاکستان رینجرز سندھ کی ان کاوشوں کو علاقہ مکینوں نے خواب سراہا۔