سیلابی ریلہ دریائے سندھ میں داخل، انتہائی اونچے درجے کا سیلاب کا خطرہ موجود

شاہد علی

07th Sep, 2025. 11:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سیلابی ریلہ دریائے سندھ میں داخل، انتہائی اونچے درجے کا سیلاب کا خطرہ موجود
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

سیلابی ریلہ دریائے سندھ میں داخل، انتہائی اونچے درجے کا سیلاب کا خطرہ موجود

پاکستان میں جاری شدید مون سون بارشوں اور بھارت کی آبی جارحیت کے نتیجے میں ستلج، راوی اور چناب میں شدید طغیانی سے پنجاب میں تباہی مچانے والا سیلابی ریلہ سندھ میں داخل ہوگیا ہے۔

سیلابی ریلے سے ٹریموں ہیڈ ورکس پر انتہائی اونچے درجے کا سیلاب ہے، جہاں پانی کی سطح پانچ لاکھ 26 ہزار کیوسک ہوگئی ہے۔

پنجند ہیڈ ورکس پر بھی اونچے درجے کے سیلاب کا خطرہ ہے اور پانی کی سطح میں مسلسل اضافہ ہورہا ہے، پنجند ہیڈ ورکس پر پانی کی سطح چارلاکھ 89 ہزار کیوسک ہوگئی۔

یہ بھی پڑھیں: دریائے سندھ میں اونچے درجے کا سیلاب، حفاظتی بند مضبوط بنانے کا عمل تیز

آبپاشی ذرائع کے مطابق گڈو اور سکھر بیراج پر پانی کی سطح میں اضافہ ہورہا ہے، گڈو بیراج پر درمیانے درجے کا سیلاب ہے، پانی کی سطح تین لاکھ 90 ہزار کیوسک ہوگئی ہے، جبکہ اگلے چوبیس گھنٹوں میں گڈو بیراج پر اونچے کا سیلاب ہوسکتا ہے۔

اسی طرح کوٹری اور سکھر بیراج پر بھی نچلے درجے کے سیلاب کا خطرہ ہے، سکھر بیراج پر پانی کی سطح تین لاکھ 24 ہزار کیوسک ہوگئی ہے، جبکہ سکھربیراج سے کوٹری بیراج کے لیے دو لاکھ 80 ہزار کیوسک پانی چھوڑا جارہا ہے۔

کوٹری بیراج پر پانی کی سطح دو لاکھ 44 ہزار کیوسک ہوگئی ہے، جہاں سے سمندر کے لیے دو لاکھ 31 ہزار کیوسک پانی چھوڑا جارہا ہے۔