کرکٹ کو ترجیح دی ، کھیل میں سیاست کا دخل نہیں ہونا چاہیے۔ محسن نقوی نے کہاہے کہ اینڈی پائی کرافٹ نے معافی مانگی ہے معاملہ ختم ہوگیا طے پایا ہے کہ اب آئی سی سی کوڈ آف کنڈکٹ کی انکوائری کراوائے گی۔

پریس کانفرنس سے  خطاب کرتے ہوئے چیئرمین پی سی بی نے کہاکہ کھیل کو کھیل ہی رہنے دیں۔

انہوں نے کہاکہ امید ہے آئندہ سیاست کے بجائے کھیل پر توجہ دی جائے گی۔ ان کا کہناتھاکہ کرکٹ اور سیاست ایک ساتھ نہیں چل سکتی۔

چیئرمین پی سی بی نے کہاکہ میچ ریفری نے تسلیم کیا کہ ایسا واقعہ نہیں ہونا چاہیے تھا۔ محسن نقوی نے کہاکہ  ہماری توجہ کرکٹ پر ہونی چاہئے سیاست پر نہیں۔

ان کاکہناتھاکہ کھیلوں کو سیاست سے دور رکھنا چاہئے۔انہوں نے کہا کہ سابق چیئرمینز رمیز راجہ اور نجم سیٹھی کے ساتھ مشاورت کی۔

ہمارا موقف واضح ہے کہ کھیل میں سیاست نہیں ہونی چاہیے، نجم سیٹھی

سابق چیئرمین پی سی بی نجم سیٹھی نے کہاکہ شروع سے مؤقف ہے کھیلوں کو سیاست سے دور رکھنا چاہیے۔

نجم سیٹھی کا کہناتھاکہ کھیل میں سیاست نہیں ہونی چاہیے، یہ ہمارا واضح مؤقف ہے۔ انہوں نے کہاکہ  کرکٹ کو کھیل ہی رہنا چاہئے سیاسی پلیٹ فارم بن گیا تو پھر حد نہیں رہے گی۔

بھارت کے زیادہ ترمیچزمیں اینڈی پائی کرافٹ ہی ریفری ہوتے ہیں،رمیزراجہ

رمیز راجہ نے کہاکہ اچھی بات ہے انکوائری ہوگی اور آئندہ ایسی سیاسی حرکت نہیں ہوگی۔ ان کا کہناتھاکہ  قوم کھلاڑیوں کو ٹورنامنٹ کے آخر تک سپورٹ کرے۔

ان کاکہناتھاکہ اینڈی پائی کرافٹ کی معذرت آئی ہے تو یہ اچھی بات ہے۔ رمیز راجہ نے کہاکہ  اینڈی پائی کرافٹ 90 مرتبہ بھارت کے ساتھ میچ میں ریفری رہے ہیں۔

انہوں نے کہاکہ  اینڈی پائی کرافٹ کو مخصوص طور پر پاک بھارت میچ میں لگایا جاتا ہے۔ ان کا کہناتھا کہ مجھے خوشی ہے کہ کوئی ایسا جذباتی فیصلہ نہیں ہوا جس سے پاکستانی کرکٹ کو نقصان پہنچتا۔