وزیراعظم کی انتونیو گوتریس سے ملاقات، سندھ طاس معاہدے سمیت دیگر امور پر بات چیت

فہد

27th Sep, 2025. 10:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی انتونیو گوتریس سے ملاقات، سندھ طاس معاہدے سمیت دیگر امور پر بات چیت

وزیراعظم شہباز شریف کی سیکرٹری جنرل اقوام متحدہ انتونیو گوتریس سے ملاقات ہوئی۔

ملاقات جنرل اسمبلی کے 80 ویں اجلاس کے موقع پر ہوئی، جس میں وزیراعظم نے اقوام متحدہ کے مرکزی کردار پر مکمل اعتماد کا اظہار کیا۔

وزیراعظم شہبازشریف نے سیکرٹری جنرل اقوام متحدہ سے ملاقات میں سندھ طاس معاہدے کی خلاف ورزی، مسئلہ کشمیر اور بیرونی جارحیت سے پاکستان میں دہشت گردی اسپانسر کئے جانے کا معاملہ اٹھایا۔

شہبازشریف نے زوردیا مسئلہ کشمیر کا منصفانہ اور پرامن حل سلامتی کونسل کی قراردادوں کے مطابق تلاش کیا جائے، وزیراعظم نے حالیہ پاک بھارت جنگ میں کشیدگی ختم کرنے کیلئے سیکرٹری جنرل کے کردارکو سراہا۔

یہ بھی پڑھیں: وزیراعظم و فیلڈ مارشل کی ڈونلڈ ٹرمپ سے ملاقات؛ ’امن کا علمبردار‘ قرار دے دیا

وزیراعظم شہباز شریف نے غزہ پر شدید تشویش کا اظہار کرتے ہوئے فوری جنگ بندی اور انسانی امداد پر زور دیا، اور فلسطینی ریاست کے قیام کے لیے سیاسی عمل کی بحالی کی حمایت کرتے ہوئے کہا کہ پاکستان عالمی و علاقائی امن کیلئے تعمیری کردار ادا کرتا رہے گا۔

ملاقات میں وزیراعظم نے موسمیاتی تبدیلی سے نمٹنے کیلئے اضافی عالمی فنانس پر بھی زور دیا اور کہا کہ پاکستان کثیرالجہتی تعاون کے فروغ کے لیے پرعزم ہے۔

دوسری جانب سیکریٹری جنرل انتونیو گوتریس نے اقوام متحدہ میں پاکستان کے اہم کردار کو سراہا۔