آزاد کشمیر؛ جوائنٹ عوامی ایکشن کمیٹی کا پرتشدد چہرہ بے نقاب، عوام نے احتجاج مسترد کردیا

سلمان علی اعوان

29th Sep, 2025. 07:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزاد کشمیر؛ جوائنٹ عوامی ایکشن کمیٹی کا پرتشدد چہرہ بے نقاب، عوام نے احتجاج مسترد کردیا

مظفرآباد: آزاد کشمیر میں جوائنٹ عوامی ایکشن کمیٹی کی جانب سے دیے گئے احتجاج اور ہڑتال کو عوامی حمایت حاصل نہ ہوسکی۔

آزاد کمشیر میں ہڑتال کی ناکامی کے بعد جوائنٹ عوامی ایکشن کمیٹی کے شرپسند عناصر نے پرتشدد کارروائیاں شروع کردیں جس کے دوران پُرامن شہریوں کو تشدد کا نشانہ بنایا گیا۔

ذرائع کے مطابق پرتشدد مظاہروں میں متعدد شہری زخمی ہوئے جنہیں ابتدائی طبی امداد فراہم کرنے کے بعد اسپتال منتقل کردیا گیا۔

احتجاج کے دوران شرپسند عناصر نے اسلحے کا بھی استعمال کیا جس سے صورت حال مزید کشیدہ ہوگئی۔

یہ بھی پڑھیں: آزادکشمیر: جوائنٹ ایکشن کمیٹی کا ہڑتال اور احتجاج ختم کرنے کا اعلان

عوامی حلقوں کا کہنا ہے کہ آزاد کشمیر کے عوام نے اس احتجاج کو یکسر مسترد کردیا اور شرپسند عناصر کے خلاف واضح ردعمل دیا۔

ہڑتال کی ناکامی کے بعد سامنے آنے والی پرتشدد کارروائیوں نے کمیٹی کے اصل عزائم کو بے نقاب کردیا ہے۔

ذرائع کا کہنا ہے کہ پرتشدد واقعات میں ملوث افراد کو قانون کے مطابق انصاف کے کٹہرے میں لایا جائے گا اور کسی کو بھی امن عامہ کو خراب کرنے کی اجازت نہیں دی جائے گی۔